საქართველო უნდა მიჰყვებოდეს ევროკავშირის საგარეო პოლიტიკის მიმართულებებს,- ასე ეხმაურება საქართველოში ნიდერლანდების ელჩი მარია ქრისტინა ვან კოლდამი საქართველოს მოქალაქეებისთვის რუსეთთან სავიზო რეჟიმის გაუქმებას და პირდაპირი ფრენების აღდგენას.

ელჩის თქმით, იმისთვის, რომ საქართველომ ევროკავშირის წევრის სტატუსის მიიღოს, საჭიროა, 12 რეკომენდაციის შესრულება.

"ფრენებთან დაკავშირებით ევროკავშირმა უკვე ორი განცხადება გაავრცელა. ერთი იყო, რომ საქართველო უნდა მიჰყვებოდეს ევროკავშირის საგარეო პოლიტიკის მიმართულებებს და მეორე, ფრენების უსაფრთხოებასთან დაკავშირებით. ნიდერლანდები, როგორც ევროკავშირის წევრი ქვეყანა ამ განცხადებებს უერთდება. რაც შეეხება კანდიდატის სტატუსს, ყველამ ვიცით, რა მდგომარეობაცაა. 12 რეკომენდაცია უნდა შეუსრულდეს. ყველა პარტიამ ერთად უნდა იმუშაოს ამისთვის",- განაცხადა მარია ქრისტინა ვან კოლდამმა.

შეგახსენებთ, მიმდინარე წლის 10 მაისს, რუსეთის პრეზიდენტმა, ვლადიმერ პუტინმა 2019 წლის 21 ივნისს საქართველოსთან პირდაპირი ფრენების შეწყვეტის შესახებ გაცემული ბრძანება გააუქმა. საქართველოს მოქალაქეებისთვის ასევე გაუქმდა სავიზო რეჟიმი. გადაწყვეტილება ძალაში 2023 წლის 15 მაისიდან შევიდა. კიდევ ერთი გადაწყვეტილება, რომლის შესახებაც რუსეთმა  გამოაცხადა, „საქართველოში მოგზაურობისგან თავის შეკავების რეკომენდაციის“ გაუქმებას გულისხმობდა.

პირდაპირი ფრენების აღდგენის გადაწყვეტილებიდან ხუთ დღეში, საქართველოს სამოქალაქო ავიაციის სააგენტომ პირდაპირი რეისების განსახორციელებლად პირველი ნებართვაც გასცა. 15 მაისს, ფრენების შესრულების ნებართვა რუსულმა ავიაკომპანია Azimuth Airlines-მა 17 მაისიდან, კვირაში 7 სიხშირით მიიღო. 19 მაისს, შოთა რუსთაველის თბილისის საერთაშორისო აეროპორტში რუსული ავიაკომპანია Azimuth Airlines-ის კუთვნილი თვითმფრინავი დაეშვა. 

აღსანიშნავია, რომ სამოქალაქო ავიაციის სააგენტომ, რომელიც ირწმუნება, რომ Azimuth Airlines-ი ევროკავშირის შავ სიაში არ იმყოფება, რუსეთ-საქართველოს შორის პირდაპირი რეისების შესასრულებლად, 16 მაისს თბილისი-მოსკოვი-თბილისის მიმართულებით რეგულარული ოპერირების განხორციელებისთვის ავიაკომპანია Georgian Airways-სთვის კიდევ ერთი ნებართვა გასცა.

19 მაისს სამოქალაქო ავიაციის სააგენტომ გაავრცელა ინფორმაცია, რომლის მიხედვითაც, ივნისიდან სოჭი-თბილისი-სოჭის და მოსკოვი-ქუთაისი-მოსკოვის საჰაერო ხაზებზე ოპერირებას ავიაკომპანია Red Wings-იც დაიწყებს.

ავტორი: ექსპრესნიუსი,

სოციალური ქსელები

ევროპის დღესთან დაკავშირებით ქართული ახალგაზრდული ორგანიზაციები ევროკავშირის ინსტიტუტების ლიდერებს ღია წერილით მიმართავენ

პეტერ მადიარი უნგრეთის პრემიერი ოფიციალურად გახდა

ლევან ხაბეიშვილზე ძალადობაში ბრალდებულმა სპეცრაზმელებმა ბრალი აღიარეს, მათ პატიმრობა შეუფარდეს

კრიპტო უკვე თიბისის მობაილბანკშია