ამერიკის შეერთებული შტატების წარმომადგენელთა პალატის საგარეო ურთიერთობათა კომიტეტმა მხარი დაუჭირა რეზოლუციას, რომელიც მოუწოდებს აშშ-ის პრეზიდენტს, უკრაინის წინააღმდეგ ომის დანაშაულების დასასჯელად სპეციალური ტრიბუნალის შექმნას მხარი დაუჭიროს.

დოკუმენტი განსახილველად წარმომადგენელთა პალატას გადაეგზავნა.

„მოვუწოდებთ პრეზიდენტს, მხარი დაუჭიროს უკრაინის წინააღმდეგ აგრესიის დანაშაულის დასჯის სპეციალური ტრიბუნალის შექმნას იმის გათვალისწინებით, რომ 2022 წლის 24 თებერვალს რუსეთის ფედერაციამ დაიწყო სრულმასშტაბიანი შეჭრა უკრაინაში; იმის გათვალისწინებით, რომ რუსეთის ფედერაციის სრულმასშტაბიანმა შეჭრამ უკრაინაში გამოიწვია სამოქალაქო ინფრასტრუქტურის მასიური განადგურება, მილიონობით უკრაინელის გადაადგილება როგორც ქვეყნის შიგნით, ასევე მის ფარგლებს გარეთ, ათასობით უკრაინელის, მშვიდობიანი მოქალაქისა და სამხედრო პერსონალის დაღუპვა...", - ნათქვამია რეზოლუციაში.

რეზოლუციაში კონგრესმენები ხაზს უსვამენ რუსეთის მიერ გაერო-ს წესდების მუხლების დარღვევას და ამბობენ, რომ „რუსეთის ფედერაციის მიერ უპრეცედენტო სრულმასშტაბიანი შეჭრა უკრაინაში კრიტიკულ წერტილამდე მივიდა, რაც მოითხოვს საერთაშორისო თანამეგობრობის დაუყოვნებლივ და გადამწყვეტ მოქმედებას“.

რეზოლუციის თანახმად, აშშ-ის წარმომადგენელთა პალატა მკაცრად გმობს რუსეთის ფედერაციის მიერ უკრაინაში სრულმასშტაბიან შეჭრას; მხარს უჭერს უკრაინელ ხალხს თავისუფლებისთვის, დამოუკიდებლობისა და დემოკრატიისთვის ბრძოლაში; ხაზს უსვამს უკრაინის სუვერენიტეტსა და ტერიტორიულ მთლიანობას მის საერთაშორისოდ აღიარებულ საზღვრებში; თვლის, რომ არსებობს ძლიერი მტკიცებულება იმისა, რომ რუსეთის ფედერაციის ცალკეული ლიდერები არიან დამნაშავეები უკრაინის წინააღმდეგ აგრესიის დანაშაულში და ეს მოითხოვს სათანადო სასამართლო გადაწყვეტილებას საერთაშორისო საზოგადოების მხრიდან; აღიარებს სპეციალური ტრიბუნალის შექმნის აუცილებლობას უკრაინის წინააღმდეგ აგრესიის დანაშაულის საქმეზე.

ავტორი: ექსპრესნიუსი,

სოციალური ქსელები

აშშ-მ ამერიკული ხელოვნური ინტელექტის კოპირებისთვის ჩინეთისა და რუსეთის წინააღმდეგ სანქციების დაწესების განხილვა დაიწყო

აშშ-მ ირანისა და ირანის მხარდამჭერი გემების დევნა დაიწყო

ოცნება მცირე მეღვინეობებისთვის წესებს შეცვლის და ხარისხის კონტროლს გაამკაცრებს

პაპუაშვილი აბასთუმნის ცის დაკეტვაზე - რადიკალური ოპოზიცია ცდილობს, არ დაუშვან სამეცნიერო პოტენციალის ათვისება