დღეს სოროსის ფონდში გაიმართა უცხოელი აგენტების თავყრილობა, მათ გამოაქვეყნეს საკუთარი დასკვნა იმასთან დაკავშირებით, თუ რომელი პუნქტი შესრულდა, რომელი არ შესრულდა და რომელი ნაწილობრივ შესრულდა. წარმოიდგინეთ, სახალხო დამცველზე მოთხოვნა იყო არჩევა, ავირჩიეთ და უწერიათ, რომ ეს რეკომენდაცია ნაწილობრივ შესრულდა - აბსურდია - ამის შესახებ „ქართული ოცნების“ თავმჯდომარე ირაკლი კობახიძემ საზოგადოებრივი მაუწყებლის გადაცემაში „თავისუფალი ხედვა“ განაცხადა.

მისი თქმით, თუ ხათუნა სამნიძემ მხარი დაუჭირა ლევან იოსელიანს, ხათუნა სამნიძის ბრალია ნაწილობრივ შესრულება თუ ეს არის ხატია დეკანოიძის ბრალი, რომელმაც მხარი არ დაუჭირა ლევან იოსელიანს? ამაზე პასუხი არ არსებობს.

„საინტერესო რა არის, რომ ჩავუღრმავდეთ, ნაწილობრივ შესრულდა რას ნიშნავს, ანუ შესრულებაზე ვინ არის პასუხისმგებელი დადებითი კუთხით და ნაწილობრივზე ვინ არის პასუხისმგებელი უარყოფითი კუთხით - ვინც ხმა მისცა ლევან იოსელიანს, ის არის პასუხისმგებელი ნაწილობრივზე, თუ ვინც ხმა მისცა ლევან იოსელიანს, ის არის დადებითი კუთხით პასუხისმგებელი არჩევაზე, ანუ პუნქტის შესრულებაზე? სიტყვაზე, ხათუნა სამნიძემ მხარი დაუჭირა ლევან იოსელიანს, ხათუნა სამნიძის ბრალია ნაწილობრივ შესრულება თუ ეს არის ხატია დეკანოიძის ბრალი, რომელმაც მხარი არ დაუჭირა ლევან იოსელიანს? ამაზე პასუხი არსებობს? მე მგონია, რომ არ არსებობს, რატომ, იმიტომ, რომ აბსურდია თვითონ ამის მოთხოვნაც, ანუ, ერთერთ პუნქტად მოთხოვნა იმისა, რომ უნდა აირჩიო თანამდებობის პირი 90 ხმით, ცოტა პრობლემური იყო ჩემი აზრით, იმიტომ, რომ 90 ხმა არის საჭირო, როგორ უნდა აგვეღო ჩვენ პასუხისმგებლობა, იგივე ვითარებაა იუსტიციის საბჭოსთან დაკავშირებით. აქ სირთულე ის არის, რომ დეპუტატებს არც უნდა არავის საბჭოში გადასვლა“, - განაცხადა ირაკლი კობახიძემ.

ავტორი: NS (სტატია დაფინანსებულია),

სოციალური ქსელები

ALDE – დროა რუსეთმა არასასურველ ორგანიზაციად იმის გამო გამოაცხადა, რომ ოკუპაციის წინააღმდეგ, საქართველოს სუვერენიტეტის დასაცავად და ევროპული მომავლისთვის იბრძვის

ხოშტარია -ის, რომ პუტინის რეჟიმისთვის არასასურველები ვართ, მხოლოდ საამაყოა, ეს ნამდვილად პატივია

რეჟიმის პატიმარმა ზურაბ ჭავჭანიძემ საპატიმრო დატოვა

ბიძინა ივანიშვილი საქართველოში ისრაელის ელჩს, ვალიდ აბუ ჰაიას შეხვდა