გერმანიის ბუნდესტაგის საგარეო საქმეთა კომიტეტის თავმჯდომარე მაიკლ როთი „ქართული ოცნების“ მიერ "ევროპის სოციალისტური პარტიის" დატოვებას ეხმაურება.

როთის თქმით, PES-ის „იდეოლოგიური ტრანსფორმაცია“ არ არსებობს და სოციალ-დემოკრატობა ყოველთვის და ყველგან არის თავისუფლების, ადამიანის უფლებების და სამართლიანობის ერთგული.

„აღმაშფოთებელია! PES-ის „იდეოლოგიური ტრანსფორმაცია“ არ არსებობს! სოციალ-დემოკრატობა ყოველთვის და ყველგან არის თავისუფლების, ადამიანის უფლებების და სამართლიანობის ერთგული. სამწუხაროდ, „ქართული ოცნება“ არ არის ევროპული ოცნება",- წერს როთი.

შეგახსენებთ, გუშინ, 11 მაისს მმართველი პოლიტიკური პარტიის თავმჯდომარემ, ირაკლი კობახიძემ განაცხადა, რომ "ქართული ოცნება" "ევროპის სოციალისტური პარტიის" (PES) დამკვირვებელი წევრის სტატუსს ტოვებს.

PES-ის რიგების დატოვების შესახებ მმართველი პარტიის განცხადებას წინ უძღოდა თავად "ევროპის სოციალისტური პარტიის" კომენტარი, რომლის მიხედვითაც, PES-ი პრემიერ-მინისტრ ირაკლი ღარიბაშვილის ბუდაპეშტში, კონსერვატიულ პოლიტიკურ სამოქმედო კონფერენციაში (CPAC) მონაწილეობას გმობდა და ამბობდა, რომ მომდევნო სხდომაზე "ქართული ოცნებისთვის" სტატუსის შეჩერების საკითხს განიხილავდა.

ირაკლი ღარიბაშვილმა ბუდაპეშტში, კონსერვატიული პოლიტიკური მოქმედების ყოველწლიურ კონფერენციის (CPAC) მონაწილეებს სიტყვით 4 მაისს მიმართა. 

ავტორი: ექსპრესნიუსი,

სოციალური ქსელები

პერსონალურ საბანკო მომსახურებაში ინოვაციებისთვის თიბისიმ The Banker-ის საერთაშორისო ჯილდო მოიპოვა

ALDE – დროა რუსეთმა არასასურველ ორგანიზაციად იმის გამო გამოაცხადა, რომ ოკუპაციის წინააღმდეგ, საქართველოს სუვერენიტეტის დასაცავად და ევროპული მომავლისთვის იბრძვის

ხოშტარია -ის, რომ პუტინის რეჟიმისთვის არასასურველები ვართ, მხოლოდ საამაყოა, ეს ნამდვილად პატივია

რეჟიმის პატიმარმა ზურაბ ჭავჭანიძემ საპატიმრო დატოვა