აუდიტი დაინტერესდეს მაგალითად გელათის ამბით, ჯვრის მონასტრის ამბით, საყდრისით, ტყე რომ აჩუქა ღარიბაშვილმა ცოლს, ნარმანიაც არ ჩამორჩა,- ასე ეხმაურება "ერთიანი ნაციონალური მოძრაობის" თავმჯდომარე ლევან ხაბეიშვილი აუდიტის სამსახურთან დაკავშირებით პარლამენტის თავმჯდომარის, შალვა პაპუაშვილის განცხადებას.

ხაბეიშვილის შეფასებით, საკანონმდებლო ორგანოს ხელმძღვანელი პირის განცხადება არის "რუსული ოცნების“ შანტაჟი იმ ორგანიზაციებისთვის, რომლებიც პროევროპულ პროპაგანდაზე მუშაობენ.

„რუსული ოცნების“ წარმომადგენელი, პარლამენტის თავმჯდომარე არასდროს დაინტერესებულა მაგალითად გელათის საკითხით, რომელიც ინგრევა და არასდროს არ უთქვამს, რომ აუდიტის სამსახურმა რამე უნდა იმოქმედოს; არასდროს არ უთქვამს საყდრისთან დაკავშირებით, როცა ააფეთქა ბიძინა ივანიშვილმა და მილიარდობით ლარი მოიპარა, არ მახსოვს მაშინაც ეთქვა გამოვიძიოთო ან მაშინ, როდესაც პრემიერ-მინისტრმა ხალხის ქონება, ტყე აჩუქა და არასდროს ამაზე ხმა არ ამოუღია. ცხადია, ესეც არის "რუსული ოცნების“ კიდევ ერთი შანტაჟი იმ ორგანიზაციებისთვის, რომლებიც პროევროპულ პროპაგანდაზე მუშაობენ და არა რუსულზე. პოლიტიკური სამიზნეები ჰყავთ და არა ის, რომ რამე აინტერესებთ. აუდიტი დაინტერესდეს მაგალითად გელათის ამბით, ჯვრის მონასტრის ამბით, საყდრისით, ტყე რომ აჩუქა ღარიბაშვილმა ცოლს, ნარმანიაც არ ჩამორჩა.

ფული, რომელიც იდება ჩვენს განათლებაში, ინფრასტრუქტურაში, მაგალითად რიკოთის უღელტეხილზე 4 მილიარდი დოლარი იხარჯება, მათ შორის პარტიები, რომლებიც არიან პროდასავლურები და არა პრორუსული, იმ პარტიებს თუ ეხმარებიან იმისთვის ეხმარებიან, რომ გაძლიერდეს პროდასავლური გავლენები საქართველოში, ეს ყველასთვის მისაღები უნდა იყოს",- აცხადებს ლევან ხაბეიშვილი.

ცნობისთვის, პარლამენტის თავმჯდომარე შალვა პაპუაშვილი ამბობს, რომ ყალბი ორგანიზაციებით ქართულ პოლიტიკაში უცხოური ფულის ინვესტირება ხდება, საკითხით კი,  აუდიტის სამსახური უნდა დაინტერესდეს.

ავტორი: ექსპრესნიუსი,

სოციალური ქსელები

მოამზადე ავტომობილი ზამთრისთვის „თეგეტა მოტორსის“ ნოემბრის შეთავაზებებით და გაიარე მეტი

თამარ ბაგრატიონი ვატიკანში, რომის პაპს, ლეონ XIV-ს შეხვდა

საქართველოს პარლამენტი ChatGPT-ის ყოველწლიურ გამოწერას ყიდულობს

პერსონალურ საბანკო მომსახურებაში ინოვაციებისთვის თიბისიმ The Banker-ის საერთაშორისო ჯილდო მოიპოვა