„ახალი საირმე“ შეფმზარეულების ინტენსიური გადამზადების კურსებს მასპინძლობს. მატეო სივერო, რომელიც მიშლენის ყველაზე ახალგაზრდა შეფის სტატუსს ფლობს, საირმეში პროექტის ფარგლებში ჩამოვიდა. მისი მასტერკლასები იტალიური სამზარეულოს თანამედროვე ტენდენციებსა და მოლეკულური სამზარეულოს ტექნიკებს მოიცავს. სემინარებში მოქმედი მზარეულები და შეფები მონაწილეობენ.

მატეო სივერო, მიშლენის ვარსკვლავის მქონე შეფი: „მიხარია, რომ იტალიური სამზარეულოს მიმართ საქართველოში დიდი ინტერესია და ჩემი ცოდნისა და გამოცდილების გაზიარების შესაძლებლობა მომეცა. შეხვედრებისას მოლეკულური სამზარეულოს საფუძვლების, ასევე იტალიურ სამზარეულოში ახალი ტექნოლოგიების შესახებ ვისაუბრეთ და ეს ტექნიკები პრაქტიკაშიც გამოვცადეთ. მოხიბლული ვარ აუდიტორიით, მსმენელები დიდ ინტერესს იჩენენ მოლეკულური სამზარეულოს მიმართ და შეხვედრები ძალიან ინტერაქციულია. მათი მონდომება და ინტერესი მასტერკლასებს კიდევ უფრო სასიამოვნოსა და ნაყოფიერს ხდის. ასევე არ შემიძლია არ აღვნიშნო კურორტ საირმის არაჩვეულებრივი ბუნება, უნიკალური წყლები და სტუმართმოყვარეობა“.

პროექტს საირმის ტურიზმისა და გასტრონომიის აკადემია DMO იმერეთთან პარტნიორობით ახორციელებს. პროექტის ფარგლებში DMO-ს თანადაფინანსებით იმერეთის რეგიონიდან 15 შეფი გადამზადდება.

გურამ ბაღდოშვილი, შეფი, „საირმის ტურიზმისა და გასტრონომიის აკადემიის“ თანადამფუძნებელი: „მიშლენის შეფების მასტერკლასი ძალიან მნიშვნელოვანი პროექტია რეგიონში გასტრონომიის სფეროს განვითარებისთვის. ჩვენი ქვეყნისთვის უპრეცედენტოა, როდესაც თავად მიშლენის შეფი მართავს ტრენინგებს. ვფიქრობ, ეს მონაწილეებისთვისაც დიდი მოტივაცია და გამოცდილებაა, რადგან შესაძლებლობა ეძლევათ, მსოფლიოს წამყვანი პროფესიონალებისგან შეისწავლონ კერძების მომზადების ტექნიკები და გაიღრმაონ როგორც პრაქტიკული, ისე თეორიული ცოდნა“.

ინტენსიური გადამზადების კურსები, რომლებიც მთლიანად იტალიურ სამზარეულოზეა აგებული და მოიცავს როგორც კლასიკურ, ისე თანამედროვე რეცეპტებს, „ახალ საირმეში“ 18 აპრილს დაიწყო. მატეო სივეროს მასტერკლასამდე მსმენელებს იტალიური სამზარეულოს ტექნიკები ჯოვანი ტუჩიმ გააცნო. გასტრონომიული ასოციაცია Cuochi Romagnoli-ს პრეზიდენტის, მიშლენის ვარსკვლავიანი რესტორნების შეფისა და მენეჯერის — ჯოვანი ტუჩის მასტერკლასი 18-22 აპრილს მიმდინარეობდა.

„საირმის ტურიზმისა და გასტრონომიის აკადემია“ 2019 წელს შეიქმნა. მისი დამფუძნებლები არიან: ბიზნესმენი თემურ კოხოძე, Hospitality Management Institute-ის დამფუძნებელი მანანა უგულავა და შეფი გურამ ბაღდოშვილი. 2020 წელს აკადემიამ სწავლების უფლება განათლების ხარისხის განვითარების ეროვნული ცენტრისგან 4 მიმართულებით მოიპოვა.

სასწავლო პროგრამები ტურიზმისა და მასპინძლობის მენეჯმენტის სფეროში სხვადასხვა მიმართულებას მოიცავს: სასტუმრო ოთახების მართვა, სასტუმრო საქმის მარკეტინგი და გაყიდვები, კვება და სასმელები, „სუშეფი“. სწავლება პრაქტიკული და თეორიული ნაწილებისგან შედგება და მას უძღვებიან როგორც ქართველი, ისე უცხოელი ინსტრუქტორები.

მიშლენის შეფების მასტერკლასი მორიგი პროექტია რეგიონის სტუმარმასპინძლობის სფეროს განვითარებისთვის, რომელიც „საირმის ტურიზმისა და გასტრონომიის აკადემიის“ ორგანიზებით ხორციელდება.

ავტორი: NS (სტატია დაფინანსებულია),

სოციალური ქსელები

რა მეთოდები გამოიყენება ჟურნალისტებისა და მედიის დისკრედიტაციისთვის

რეჟიმის მიერ წნეხში მოქცეული ქართული მედია - როგორ ხვდება ოცნების პირობებში პრესის თავისუფლების დღეს საქართველო

პაპი ლეონ XIV-ე- სამწუხაროდ, ჟურნალისტების უფლება ხშირად ირღვევა, ზოგჯერ აშკარა გზებით, ზოგჯერ უფრო ფარული ფორმით

მოსკოვში წითელ მოედანზე დრონსაწინააღმდეგო ბადეებს ამაგრებენ