საქართველოს მთავრობასა და საერთაშორისო სავალუტო ფონდს შორის არსებული პროგრამით გათვალისწინებული რეფორმების მიმდინარეობაზე ისაუბრეს ლევან დავითაშვილმა და სავალუტო ფონდის მისიის ხელმძღვანელმა, ჯეიმს ჯონმა ეკონომიკისა და მდგრადი განვითარების სამინისტროში გამართულ შეხვედრაზე, რომელსაც ასევე მინისტრის პირველი მოადგილე რომეო მიქაუტაძე, მინისტრის მოადგილე ვახტანგ ცინცაძე, ენერგეტიკული პოლიტიკისა და საინვესტიციო პროექტების დეპარტამენტის უფროსი ჯუბო ტურაშვილი და სავალუტო ფონდის მისიის წევრები ესწრებოდნენ. აღნიშნულის შესახებ ინფორმაციას ეკონომიკის სამინისტრო ავრცელებს.

უწყების ცნობით, ლევან დავითაშვილმა სავალუტო ფონდის მისიას მადლობა გადაუხადა ნაყოფიერი თანამშრომლობისთვის და ხაზი გაუსვა იმ პროგრესს, რომელიც საქართველოს აქვს ძირითადი ეკონომიკური მაჩვენებლების გაუმჯობესების და სტრუქტურული რეფორმების განხორციელების კუთხით. მისი განცხადებით, საქართველოს მთავრობა, პარტნიორ ორგანიზაციებთან ერთად აგრძელებს აქტიურ მუშაობას  ეკონომიკური მდგრადობის გაძლიერების, ეკონომიკის სტრუქტურული გაუმჯობესებისა და მაკროეკონომიკური სტაბილურობის შენარჩუნების მიმართულებით, მათ შორის აღსანიშნავია სავალუტო ფონდის პროგრამის ფარგლებში მხარდაჭერილი სახელმწიფო საწარმოების და სხვა მაკროეკონომიკური რეფორმები.  

"შეხვედრაზე ასევე განიხილეს მიმდინარე სტრუქტურული რეფორმები და ის მასშტაბური ინფრასტრუქტურული პროექტები, რომლებიც ხელს შეუწყობს პროდუქტიულობის და ეფექტიანობის ზრდას, ახალი ეკონომიკური შესაძლებლობების გამოყენებას,  დააჩქარებს ეკონომიკურ ზრდას და შესაბამისად, პოზიტიურად აისახება მოსახლეობის კეთილდღეობაზე.   მათ შორის, საუბარი შეეხო ანაკლიის ღრმაწყლოვან პორტს, შავი ზღვის წყალქვეშა ელექტროგადამცემი კაბელის პროექტს და იმ განახლებადი ენერგიის ობიექტებს, რომელთა განვითარებაც მთავრობის მიერ სავალუტო ფონდთან შეთანხმებული  განახლებადი წყაროებიდან ენერგიის წარმოებისა და გამოყენების მხარდაჭერის სქემის ფარგლებში განხორციელდება.

მხარეებმა ასევე განიხილეს ენერგეტიკული ბაზრის გახსნის სხვადასხვა საკითხები და ხაზი გაუსვეს კერძო კომპანიების მხრიდან გამოხატულ მაღალ აქტივობას, რაც განახლებადი წყაროებიდან ელექტროსადგურის მიერ ელექტროენერგიის წარმოების სიმძლავრის პირველ აუქციონში დაფიქსირდა.

საქართველოს მთავრობა განაგრძობს აქტიურ მუშაობას სავალუტო ფონდთან პროგრამის ფარგლებში მხარდაჭერილი რეფორმების განხორციელების და ზოგადად, პროგრამის წარმატებით გაგრძელების მიმართულებით",- აღნიშნულია ინფორმაციაში.

ავტორი: NS (სტატია დაფინანსებულია),

სოციალური ქსელები

წილოსანი ევროპის ქვეყნებზე - სულ ცოტა დრო გავიდა და ანალოგიურმა ძალადობრივმა აქციებმა ევროპის ქვეყნების ქუჩებშიც იფეთქა

ლაშა ფარულავა - მოვითხოვთ, შეწყდეს ხალხის სოციალური ტერორი და „ოცნებამ“ პასუხისმგებლობა აიღოს გაძვირებულ ცხოვრებაზე, საწვავი 5 ლარს გასცდა

უკრაინამ ერთ თვეში მეხუთედ დაარტყა რუსეთის უდიდეს ნავთობის ჰაბს სამარის რეგიონში

საიას შეფასებით, პაატა მანჯგალაძის წინააღმდეგ წარმოდგენილი მტკიცებულებები არ იყო საკმარისი გონივრულ ეჭვს მიღმა სტანდარტით მისი ბრალეულობის დასადასტურებლად