2023-04-26 14:26:57, 2272 ნახვა

---

ეროვნული გვარდიის 131 ჯარისკაცი, რომლებიც ჩერნობილის ატომურ ელექტროსადგურს იცავდნენ, რუსეთის ტყვეობაშია - რადას დეპუტატი

უკრაინის ეროვნული გვარდიის 131 ჯარისკაცი, რომლებიც სრულმასშტაბიანი ომის დაწყების დღეს ჩერნობილის ატომურ ელექტროსადგურს იცავდნენ, დღემდე რუსეთის ტყვეობაში რჩება. ამის შესახებ უკრაინის სახალხო დეპუტატმა, ოლჰა ვასილევსკამ განაცხადა.

ვასილევსკას თქმით, დღეს, ჩერნობილის კატასტროფიდან 37 წლისთავზე, რუსეთი იყენებს ატომურ ელექტროსადგურებს უკრაინის ჯარების შეკავებისა და კაცობრიობის დაშინების მიზნით, რაც ბირთვული უსაფრთხოების ყველა სტანდარტს არღვევს.

"131 ეროვნული გვარდიელი, რომლებიც ჩერნობილის სადგურს იცავდნენ 2022 წლის 24 თებერვალს, მტრის ტყვეობაშია უკვე მეორე წელია, თავისუფლების, ჯანმრთელობისა და სიცოცხლის ფასად", - განაცხადა სახალხო დეპუტატმა.

ცნობისთვის, რუსეთის ჯარებმა ჩერნობილის ატომური ელექტროსადგური 2022 წლის 24 თებერვალს, ომის დაწყების პირველივე დღეს დაიკავეს. 

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი