„რუსეთის სუვერენული აქტივები ჩვენს იურისდიქციებში დარჩება მანამ, სანამ არ მოგვარდება რუსეთის მიერ უკრაინის სუვერენიტეტისა და ტერიტორიული მთლიანობის დარღვევასთან დაკავშირებული კონფლიქტი“, - ნათქვამია G7-ის საგარეო საქმეთა მინისტრების ერთობლივ განცხადებაში, რომელიც გავრცელდა, იაპონიაში შეხვედრის შემდეგ.

„კონფლიქტის ნებისმიერმა მოგვარებამ უნდა უზრუნველყოს, რომ რუსეთმა აანაზღაუროს მიყენებული ზიანი“, - ნათქვამია დოკუმენტში.

G7 ქვეყნები გეგმავენ რუსეთის წინააღმდეგ სანქციების კიდევ უფრო გამკაცრებას და მათ განხორციელების მონიტორინგს. გარდა ამისა, ისინი აპირებენ კოორდინირებას, რათა ხელი შეუშალონ რუსეთს იარაღის მესამე მხარის მიერ მიწოდებას და მიიღონ ზომები მათ წინააღმდეგ, ვინც აფინანსებს რუსეთის აგრესიას.

უკრაინაში რუსეთის შეჭრიდან მალევე, აშშ-მ, დიდმა ბრიტანეთმა, ევროკავშირის ქვეყნებმა და სხვა სახელმწიფოებმა გაყინეს რუსეთის სავალუტო რეზერვები. რუსეთის ფინანსთა მინისტრის ანტონ სილუანოვის შეფასებით, სანქციებმა მოსკოვს თითქმის 300 მილიარდი დოლარის წვდომა ჩამოართვა, რაც მისი ოქროსა და სავალუტო რეზერვების თითქმის ნახევარია.

ავტორი: ექსპრესნიუსი,

სოციალური ქსელები

კანადამ და ევროკავშირმა ალიანსის შექმნის შესახებ განაცხადეს

აშშ-ის სასამართლომ ტრამპის ადმინისტრაციას საარჩევნო კომისიის წევრების დაშინება აუკრძალა

პოლონეთის პრემიერ-მინისტრმა საკონსტიტუციო ტრიბუნალთან დაკავშირებულ კონფლიქტზე - კანონის უზენაესობის აღდგენა ჩვენი მოვალეობაა

პოლონეთის პრეზიდენტმა საკონსტიტუციო ტრიბუნალის შენობა დატოვა, საპროტესტო აქციები გაგრძელდა