საპარლამენტო ოპოზიცია საქართველოს პრეზიდენტს, სალომე ზურაბიშვილს მიმართავს და მას რიგგარეშე სხდომის მოწვევისკენ მოუწოდებს.

როგორც ოპოზიციონერმა დეპუტატმა, თამარ კორძაიამ ბრიფინგზე განაცხადა, დღეს საქართველოს პრეზიდენტს, სალომე ზურაბიშვილს გაეგზავნება წერილი, რათა ხვალ რიგგარეშე სხდომა მოიწვიოს.

„წინა კვირას ჩვენ დავაანონსეთ, რომ რიგგარეშე სხდომის მოწვევის მიზნით მივმართავდით საქართველოს პრეზიდენტს. დღე კი გვინდა, რომ ოფიციალურად ხელმოწერებით მივმართოთ სალომე ზურაბიშვილს. დღეს მას გაეგზავნება წერილი, რომ ხვალ მოიწვიოს რიგგარეშე სხდომა, ერთადერთი საკითხით, კენჭისყრაზე დადგეს საგამოძიებო კომისიის შექმნის და მისი შემადგენლობის დამტკიცების საკითხი.

მივმართავთ დღეს, საქართველოს პრეზიდენტს, რომ მოიწვიოს რიგგარეშე სხდომა, რათა ჩვენ ჩვენი შესაძლებლობის ფარგლებში და პარლამენტის მაღალი ტრიბუნიდან დავიწყოთ საჯარო საზოგადოების წინაშე გამჭვირვალე გამოძიება სასამართლო სისტემაში არსებული მანკიერების და კორუფციის წინააღმდეგ“,- განაცხადა კორძაიამ.

ამასთან,  როგორც "რეფორმების ჯგუფის" დეპუტატმა, ხათუნა სამნიძემ განაცხადა, საგამოძიებო კომისია უკვე დარეგისტრირებულია და რიგგარეშე სხდომაზე მათ კენჭისურა სჭირდებათ.

„პრეზიდენტის დასტურის შემდეგ, როდესაც ის წერილს მიიღებს, ჩატარდეს რიგგარეშე სხდომა და კენჭი ვუყაროთ საგამოძიებო კომისიის შექმნას, რომელიც გამოიძიებს არა მხოლოდ იმ 4 პირის, 3 მოქმედი და 1 ყოფილი მოსამართლის წინააღმდეგ სანქციების საკითხს და მათ საქმიანობას, არამედ სრულად და მთლიანად სასამართლო სისტემაში მიმდინარე პროცესებს, როგორც წინა, ასევე ამ ხელისუფლების პროცესში“,- განაცხადა სამნიძემ.

შეგახსენებთ, რომ 5 აპრილს აშშ-ის სახელმწიფო დეპარტამენტმა მოსამართლე მიხეილ ჩინჩალაძე, ლევან მურუსიძე, ირაკლი შენგელია და ვალერიან ცერცვაძე კორუფციის გამო დაასანქცირა.

სანქცია ითვალისწინებს აღნიშნული პირებისა და მათი უშუალო ოჯახის წევრების მიმართ აშშ-ში შესვლის აკრძალვას.

ავტორი: ექსპრესნიუსი,

სოციალური ქსელები

შერის 49 წლის შვილი დედას სასამართლოში უჩივის ფინანსური დახმარების გაუქმების გამო

Forbes-ის მონაცემებით, დონალდ ტრამპის ქონება პრეზიდენტობის ერთ წელიწადში, 1.4 მილიარდი დოლარით გაიზარდა

მოსაყდრე შიო - ღირსეულად და წარმატებით უნდა ჩავატაროთ ის დიდი მოვლენა, რაც ხვალ გველის ყველას

კანარის კუნძულებზე MV Hondius-ის მგზავრების ევაკუაცია მიმდინარეობს, სადაც ჰანტავირუსი დაფიქსირდა