2023-04-07 13:59:28, 818 ნახვა

---

მეუფე იაკობი სანქციებზე - მოსამართლეების გულშემატკივარი არ ვყოფილვარ, მაგრამ პოლიტიკური ტურები გამოვიდნენ და არევა უნდათ

მაგ მოსამართლეების გულშემატკივარი ცხოვრებაში არ ვყოფილვარ, მაგრამ ახლა პოლიტიკური ტურები გამოვიდნენ და კიდევ რაღაცა არევა უნდათ, - ასე ეხმაურება ბოდბელი მთავარეპისკოპოსი იაკობი აშშ-ის მიერ 4 ქართველი მოსამართლის დასანქცირების საკითხს.

როგორც მეუფე იაკობმა ქადაგებისას განაცხადა, ხელისუფლებას ობამას ადმინისტრაციამ "დაუშალა",  რომ მოსამართლეების კორპუსს შეხებოდნენ.

"მინდა პირდაპირ გითხრათ, რომ მაგ მოსამართლეების გულშემატკივარი ცხოვრებაში არ ვყოფილვარ, მაგრამ რა ხდება ახლა - პოლიტიკური ტურები გამოვიდნენ და კიდევ რაღაცა არევა უნდათ. თურმე, საქართველოში იმ სასამართლოსთან შედარებით, რაც იყო, დიდი განსხვავებაა. და თუ დარჩენენ ეგ მოსამართლეები, კარგად იციან, რომ ობამას ადმინისტრაციამ დაუშალა ახალ ხელისუფლებას, რომ არ შეხებოდნენ მოსამართლეების კორპუსს. რა მივიღეთ? ქართველი ხალხი მათ გამო იჩაგრება. ქართველი ხალხის სახელით გამოდიან. მინდა გითხრათ, რომ მე ამერიკელებთან ყოველთვის საკმაოდ კარგი ურთიერთობა მქონდა. დღესაც კარგი ურთიერთობა მაქვს და მინდა, რომ ჩემს სახელმწიფოსაც კარგი ურთიერთობა ჰქონდეს. აბსოლუტურად ყველასთან მინდა, რომ საუკეთესო ურთიერთობები გვქონდეს. ჩვენ არ ვართ ის ერი, ვიღაცის დაპყრობა მოვინდომოთ, მაგრამ ის ერიც არ ვართ, ერთის მონობიდან მეორის მონად ვიქცეთ", - აცხადებს ბოდბელი მთავარეპისკოპოსი.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი