კანონი რომ  არ უნდა იყოს პერსონალური, ჩვენ ამას თვეების განმავლობაში ვამტკიცებდით, - ამის შესახებ "ქართული ოცნების" დეპუტატმა, არჩილ თალაკვაძემ ევროსაბჭოს საპარლამენტო ასამბლეის თანამომხსენებლების განცხადებასთან დაკავშირებით, ჟურნალისტებთან ისაუბრა. 

თალაკვაძე დეოლიგარქიზაციის კანონზე პერსონალურ მიდგომას ოპოზიციას აბრალებს და განმარტავს, რომ ევროსაბჭოს მოწოდებები აღნიშნულ მიდგომასთან თანხვედრაში არ არის. 

"დეოლიგარქიზაციის კანონზე ევროსაბჭომ თქვა, რომ პერსონალური მიდგომა არ უნდა იყოს კანონში. 
გახსოვთ ვინ ითხოვდა პერსონალურ მიდგომას? ეს იყო რადიკალური ოპოზიცია, რომელიც პირდაპირ ამბობდა, რომ კანონიც კი არ გვჭირდება, სახელი და გვარი ჩავწეროთ პირდაპირო. ამ საკითხზე ჯერ ვენეციის კომისიამ, დღეს უკვე ევროსაბჭომ თქვა, რომ კანონი არ უნდა იყოს პერსონალური, ჩვენ ამას თვეების განმავლობაში ვამტკიცებდით. პერსონალური მიდგომა ჩვენს პროექტში არ არის. ევროსაბჭოს ანგარიშების ძირითადი ნაწილები საქართველოს დაეხმარება კანდიდატის სტატუსის მიღებაში", - განაცხადა არჩილ თალაკვაძემ. 

შეგახსენებთ, ევროსაბჭოს საპარლამენტო ასამბლეის თანამომხსენებლებმა განცხადება გამოაქვეყნეს, სადაც ხაზგასმული იყო, რომ "დეოლიგარქიზაციის კანონის" მიმართ პერსონალური მიდგომა, შესაძლოა, არ შეესაბამებოდეს ადამიანის უფლებათა ევროპულ კონვენციას და შეიძლება პოლიტიკური ძალაუფლების ბოროტად გამოყენება მოჰყვეს. 

ავტორი: ექსპრესნიუსი,

სოციალური ქსელები

შერის 49 წლის შვილი დედას სასამართლოში უჩივის ფინანსური დახმარების გაუქმების გამო

Forbes-ის მონაცემებით, დონალდ ტრამპის ქონება პრეზიდენტობის ერთ წელიწადში, 1.4 მილიარდი დოლარით გაიზარდა

მოსაყდრე შიო - ღირსეულად და წარმატებით უნდა ჩავატაროთ ის დიდი მოვლენა, რაც ხვალ გველის ყველას

კანარის კუნძულებზე MV Hondius-ის მგზავრების ევაკუაცია მიმდინარეობს, სადაც ჰანტავირუსი დაფიქსირდა