სასამართლომდე ასე ადამიანის აპრიორი გამტყუნება მიუღებელია, 65-იც [ქალი] რომ იყოს, სასამართლო როცა მიიღებს გადაწყვეტილებას შემდეგ ვისაუბროთ, - ასე გამოეხმაურა ტელეკომპანია POSTV-ის მფლობელი და ანტიდასავლური მოძრაობა "ხალხის ძალის" დეპუტატი, ვიქტორ ჯაფარიძე მისივე ტელევიზიის ხელმძღვანელის, შალვა რამიშვილის წინააღმდეგ გაჟღერებულ შესაძლო სექსუალური შევიწროების ფაქტებს.

მისივე თქმით, სასამართლო გადაწყვეტილება არა მხოლოდ მისთვის და შალვასთვის, არამედ ნებისმიერი ადამიანიასითვის არის გადამწყვეტი, აქედან გამომდინარე როგორც თავად აღნიშნავს, სასამართლოს განაჩენის გამოტანამდე ამ თემაზე საუბარს არ აპირებს.

"ლინჩის წესით ხომ არ გავასამართლებთ ადამიანს კაცო, რა გინდათ? სასამართლოს მიმართონ, სასამართლო გადაწყვეტილება არა მარტო ჩემთვის და შალვასთვის, ნებისმიერი ადამიანისთვის არის გადამწყვეტი. 

სასამართლომდე ასე ადამიანის გამტყუნება, რომ გინდა თუ არა ესე იყო, ჩემთვის მიუღებელია. არ აქვს მნიშვნელობა, 65 [ქალიც] რომ იყოს, სასამართლო როდესაც მიიღებს გადაწყვეტილებას, შემდეგ ვისაუბრებთ", - განაცხადა ვიქტორ ჯაფარიძემ.

შეგახსენებთ, რომ 112-ში ტელევიზია POSTV-ის ჟურნალისტის, ნათია ბერიძის მიერ განხორციელებული ზარის გამო, 25 მარტს, გვიან ღამით "ნაციონალური მოძრაობის" წევრის, დიმა ჩიქოვანის საცხოვრებელ სახლში პოლიციამ საგამოძიებო მოქმედებები ჩაატარა. ირკვევა, რომ 112-ში ჟურნალისტმა ნათია ბერიძემ დარეკა და განაცხადა, რომ დავით კეზერაშვილის ცოლის ძმამ, სავარაუდოდ, თათია სამხარაძე გაიტაცა. 

ჩიქოვანმა მომხდარს პროვოკაცია უწოდა და განაცხადა, რომ ყველაფერი POSTV-მა საკუთარი თავის გასათეთრებლად დაგეგმა.

26 მარტს, თათია სამხარაძემ სოციალურ ქსელში გაავრცელა ვიდეო, სადაც თქვა რომ POSTV-ი იტყუება, თითოს ის ენმ-ის წევრის, დიმა ჩიქოვანის ბინიდან ვერ გამოდის და აქვს ჩალურჯებები. სამხარაძემ ვიდეო სახლიდან ჩაწერა, სადაც მამამისთან ერთად იყო.

მომხდართან დაკავშირებით, სპეციალურმა საგამოძიებო სამსახურმა ტელეკომპანია POSTV-ის ჟურნალისტისთვის პროფესიულ საქმიანობაში უკანონოდ ხელის შეშლის ფაქტზე გამოძიება საქართველოს სისხლის სამართლის კოდექსის 154-ე მუხლის პირველი ნაწილით გათვალისწინებული დანაშაულის ნიშნებით დაიწყო.

27 მარტს, თათია სამხარაძემ სოციალურ ქსელში მორიგი განცხადება გაავრცელა და პრეზიდენტს დახმარებისკენ მოუწოდა.

საქართველოს პრეზიდენტმა, აღნიშნულის შესახებ საჯარო კომენტარი გააკეთა და ქალების მიმართ ყოველგვარი ძალადობა და შევიწროება დაგმო.

აღსანიშნავია, რომ 2016 წელს, სამხარაძემ POSTV-ის აღმასრულებელ დირექტორს, შალვა რამიშვილს სექსუალური შევიწროების გამო უჩივლა და დავა მოიგო. 

ბოლო რამდენიმე დღის განმავლობაში, რამიშვილი სექსუალურ შევიწროებაში კიდევ რამდენიმე ქალმა ამხილა.

ავტორი: ექსპრესნიუსი,

სოციალური ქსელები

ზურაბიშვილი ვახო სანაიაზე - საქართველო მოსკოვის სცენარს სიტყვასიტყვით იმეორებს

საქართველოს ექსპორტი $6.1 მილიარდამდე გაიზარდა - პირველ ადგილზეა მსუბუქი ავტომობილები

ჟურნალისტ ვახო სანაიას სოციალურ ქსელში დაწერილი პოსტის გამო 30-დღიანი პატიმრობა შეუფარდეს

თიბისი ემიგრანტებისთვის - რა პროდუქტებს სთავაზობს ბანკი საზღვარგარეთ მცხოვრებ საქართველოს მოქალაქეებს