ბ-ნო ირაკლი, ეტყობა, კანცელარიაში სხვა უჯრა გახსენით და სხვა მასალები წამოიღეთ. თავიდან ბოლომდე შარშანდელი მოხსენება წაიკითხეთ, აბსოლუტურად არავითარი ცვლილება. ეს ხომ მოსმენილი გვქონდა? - ასე მიმართა ოპოზიციონერმა დეპუტატმა, რომან გოცირიძემ პრემიერ-მინისტრ ირაკლი ღარიბაშვილს პარლამენტში, სადაც კანონმდებლები მთავრობის მეთაურს ინტერპელაციის წესით უსმენენ.

გოცირიძის განცხადებით, პრემიერ-მინისტრი "სულელურ პროპაგანდისტულ მესიჯებს იგონებს".

"ერთადერთი სხვაობა იყო ის, რომ ბიძინა ივანიშვილი, ის ბრძენი კაცი, მხოლოდ მე-19 წუთზე მოიხსენიეთ. ამას ცუდად დაგიმახსოვრებთ - შეგიძლიათ გამოასწოროთ და მისი წვლილი კიდევ რამდენჯერმე აღნიშნოთ. ამ გამოსვლის მთელი შინაარსი იყო ის, რომ თურმე ჩვენ მესამე მსოფლიო ომის საფრთხის წინაშე ვართ, თურმე ატომური რაღაც გველის და თურმე, ამაში დამნაშავე უკრაინაა.

მოგვიყევით, როგორ განადგურდა უკრაინა, რამდენი პროცენტია ოკუპირებული, როგორ ინგრევა ინფრასტრუქტურა და თქვენი ქვეტექსტი იყო, რომ უკრაინა დამნაშავეა, ვინაიდან მან რუსეთს არ დაუთმო. სად არის ნახსენები რუსეთი, როგორც აგრესორი? სად არის ნახსენები ის, რომ დღეს მთელი მსოფლიო გაერთიანებულია ამ ბოროტი არსების, პუტინის წინააღმდეგა. რატომ გაქებთ რუსული მედია? რატომ უყვარხართ რუსეთის ყველაზე ოდიოზურ ტელეწამყვანებს, რომლებიც დასავლეთმა დაასანქცირა? რა სიტყვებით და ხანდახსნ რა უხერხული ეპითეტებით მოგიხსენიებენ? ნუთუ, ომში მყოფი ქვეყნისადმი სოლიდარობის სიტყვა არ წამოგცდათ ამ ნახევარი საათის განმავლობაში. 

იგონებთ სულელურ პროპაგანდისტულ მესიჯებს - „ოპოზიციას ომი უნდა“, „სააკაშვილი ომის დასაწყებად ჩამოვიდა", "უკრაინა გვაქეზებს, რომ დავიწყოთ ომი". ომს თუ ვიღაც იწყებს, გამარჯვება ხომ უნდა? და თქვენ ფიქრობთ, რომ ოპოზიცია ომს იწყებს იმისთვის, რომ გაათავისუფლოს აფხაზეთი, ცხინვალის რეგიონი, აიღოს კრასნოდარის მხარე... ეს არის ლოგიკა თუ პირიქით? ომისთვის ტერიტორიების დასაბრუნებლად ემზადებიან თუ პირიქით, რუსეთის აგენტები არიან და უნდათ, რომ რუსეთი შემოვიდეს და დაგვიპყრონ -  მიზეზი გვითხარით“, - მიმართა გოცირიძემ ღარიბაშვილს.

ავტორი: ექსპრესნიუსი,

სოციალური ქსელები

რეჟიმის წარმომადგენელი პაპუაშვილი - ფიშერის ფაილი დახურულია, გერმანიაში მის გამგზავრებას ველოდებით

საპატრიარქოში აცხადებენ, რომ საეკლესიო კრებაზე 1 200-მდე დელეგატი იქნება

პატრიარქის არჩევასთან დაკავშირებით, 11 მაისს, 09:00 საათიდან 18:00-მდე სამების მიმდებარე ტერიტორიაზე, რამდენიმე მიმართულებით საავტომობილო მოძრაობა შეიზღუდება

ხვალ ეკლესიას ეყოლება ახალი პატრიარქი - მამა ანდრიამ გაფართოებული კრების დეტალები დააზუსტა