ქართველმა ხალხმა ჩამოგხსნათ ნიღაბი, რომელსაც სახელდახელოდ იკეთებდით აქ, როცა გამოვიდა არაჩვეულებრივი ახალგაზრდობა. ჩამოგახიათ ნიღაბი, გადაგიგრიხათ ხელები და უკან გაგიშვათ კუდამოძუებულები, - ასე მიმართა პარტია "ლელოს'' დეპუტატმა, ანა ნაცვლიშვილმა პრემიერ-მინისტრ ირაკლი ღარიბაშვილს პარლამენტში, სადაც კანონმდებლები მთავრობის მეთაურს ინტერპელაციის წესით უსმენენ.

ნაცვლიშვილმა ღარიბაშვილს შეკითხვა დაუსვა: "ვის უნდა დააჯეროთ, რომ თქვენ ხართ ამ ქვეყნის უსაფრთხოების გარანტი, პარლამენტში ვერ შემოდიხართ მთელი უსაფრთხოების სამსახურებით რომ არ იყოს გარშემოტყმული აქაურობა, თქვენი პარტიის ლიდერები კი საპირფარეშოშიც დაცვით დადიან, რა უსაფრთხოების გარანტი ხართ თქვენ ამ ქვეყნის?"

„ჩვენ ვსვამდით შეკითხვებს და გესაუბრებოდით სახელმწიფოს ეროვნულ უსაფრთხოებაზე და პასუხები იყო საკუთარი სკამის უსაფრთხოებაზე, აი ეს არის პრიორიტეტები, სახელმწიფოზე საუბარიც კი არ შეგიძლიათ. კი, საქართველოს ემუქრება საფრთხე და ეს საფრთხე ხართ თქვენ, რუსული ოცნება ხელისუფლებაში, მაგრამ ქართველმა ხალხმა ჩამოგხსნათ ნიღაბი, რომელსაც სახელდახელოდ იკეთებდით აქ, როცა გამოვიდა არაჩვეულებრივი ახალგაზრდობა. ჩამოგიხიათ ნიღაბი, გადაგიგრიხათ ხელები და უკან გაგიშვათ კუდამოძუებულები. ამას გააკეთებენ ეს ადამიანები რამდენჯერაც საჭირო იქნება ქვეყნის დაცვა გარუსების წინააღმდეგ. ვის უნდა დააჯეროთ, რომ თქვენ ხართ ამ ქვეყნის უსაფრთხოების გარანტი, პარლამენტში ვერ შემოდიხართ მთელი უსაფრთხოების სამსახურებით რომ არ იყოს გარშემოტყმული აქაურობა, თქვენი პარტიის ლიდერები კი საპირფარეშოშიც დაცვით დადიან, რა უსაფრთხოების გარანტი ხართ თქვენ ამ ქვეყნის? ამ ქვეყნის უსაფრთხოების გარანტი არიან ჩვენი მოქალაქეები, კონსტიტუცია, ისტორია, მომავალი. ამ ქვეყნის უსაფრთხოების გარანტია არის დასავლეთი, რომელსაც თქვენ უპირებდით რკინის ფარდით მოგეხდინათ ამქვეყნიდან მისი იზოლაცია“ - განაცხადა ანა ნაცვლიშვილმა.

ავტორი: ექსპრესნიუსი,

სოციალური ქსელები

რეჟიმის წარმომადგენელი პაპუაშვილი - ფიშერის ფაილი დახურულია, გერმანიაში მის გამგზავრებას ველოდებით

საპატრიარქოში აცხადებენ, რომ საეკლესიო კრებაზე 1 200-მდე დელეგატი იქნება

პატრიარქის არჩევასთან დაკავშირებით, 11 მაისს, 09:00 საათიდან 18:00-მდე სამების მიმდებარე ტერიტორიაზე, რამდენიმე მიმართულებით საავტომობილო მოძრაობა შეიზღუდება

ხვალ ეკლესიას ეყოლება ახალი პატრიარქი - მამა ანდრიამ გაფართოებული კრების დეტალები დააზუსტა