ჩვენ ვთხოვეთ გერმანიის საგარეო საქმეთა მინისტრს, რომ საქართველოს ევროკავშირის კანდიდატის სტატუსის მისაღებ გზაზე, მხარდაჭერა გამოუცხადოს ჩვენს ხალხს იმიტომ, რომ დღეს მხოლოდ ქართველი ხალხი არის, ვინც იბრძვის ამ ქვეყნის ევროპული მომავლისთვის - ამისთვის არაფერს აკეთებს ხელისუფლება, - ამის შესახებ "საერთაშორისო გამჭვირვალობა - საქართველოს'' აღმასრულებელმა დირექტორმა, ეკა გიგაურმა გერმანიის საგარეო საქმეთა მინისტრისა და არასამათვრობო ორგანიზაციების შეხვედრის დასრულების შემდეგ განაცხადა. 

როგორც გიგაურმა მედიის წარმომადგენლებს უთხრა, არასამთავრობო სექტორისა და ანალენა ბერბოკის შეხვედრის მთავარი თემა ასევე, ქვეყანაში, ბოლო პერიოდში განვითარებულ მოვლენებს შეეხებოდა.

“ჩვენ ვისაუბრეთ თუ რა ხდება ჩვენს ქვეყანაში, ბოლო პერიოდში განვითარებულ მოვლენებზე. განვიხილეთ რუსული კანონი და რა პროცესები იყო ამ კანონის ინიცირებამდე და ინიცირების შემდეგ. ჩვენი მთავარი გზავნილი იყო, რომ საქართველოში ჩვენს მოქალაქეებს, ქართულ საზოგადოებას უნდა ევროკავშირისგან კანდიდატის სტატუსი, ჩვენ ვიმსახურებთ ამ სტატუსს, ჩვენ უნდა მივიღოთ ეს სტატუსი და ჩვენ გავაკეთებთ ყველაფერს იმისთვის, რომ წლის ბოლოს სტატუსი მივიღოთ ევროკავშირისგან. ჩვენ ვთხოვეთ საგარეო საქმეთა მინისტრს, რომ ამ გზაზე მხარდაჭერა გამოუცხადოს ჩვენს ხალხს იმიტომ, რომ დღეს მხოლოდდამხოლოდ ქართველი ხალხი არის, ვინც იბრძვის ამ ქვეყნის ევროპული მომავლისთვის. ამისთვის არაფერს არ აკეთებს ხელისუფლება, ისინი პირიქით აფუჭებენ საქმეს და მთავარი რაც ჩვენ ვთხოვეთ, არის ის, რომ ჩვენ აუცილებლად სტატუსი უნდა ვთხოვოთ ქართველი ხალხისთვის. ქართველი ხალხი იბრძვის რუსეთის წინააღმდეგ და იბრძვის ევროპული მომავლისთვის“, - განაცხადა ეკა გიგაურმა. 

ცნობისთვის, საქართველოში მყოფმა გერმანიის საგარეო საქმეთა მინისტრმა ვიზიტის ოფიციალური ნაწილი არასამთავრობო სექტორთან შეხვედრით დაიწყო. აღნიშნულის შემდეგ, ანალენა ბერბოკი შეხვედრას საგარეო საქმეთა მინისტრთან, ილია დარჩიაშვილთან პირისპირ და გაფართოებულ ფორმატში გამართავს.დაგეგმილია პრეზიდენტთან და პრემიერ-მინისტრთან აუდიენციებიც.

ავტორი: ექსპრესნიუსი,

სოციალური ქსელები

ლონდონში ანტისემიტიზმის წინააღმდეგ მასობრივი მიტინგი გაიმართა

რეჟიმის წარმომადგენელი პაპუაშვილი - ფიშერის ფაილი დახურულია, გერმანიაში მის გამგზავრებას ველოდებით

საპატრიარქოში აცხადებენ, რომ საეკლესიო კრებაზე 1 200-მდე დელეგატი იქნება

პატრიარქის არჩევასთან დაკავშირებით, 11 მაისს, 09:00 საათიდან 18:00-მდე სამების მიმდებარე ტერიტორიაზე, რამდენიმე მიმართულებით საავტომობილო მოძრაობა შეიზღუდება