ევროპარლამენტარი - პირები, რომლებიც ფულს სახელმწიფოს, მედიისა და პოლიტიკოსების მიტაცებისათვის იყენებენ უნდა დასანქცირდნენ, - ამის შესახებ ევროპარლამენტარმა ზიგფრიდ მურეშანმა განაცხადა.

მისივე თქმით, საქართველოს ხელისუფლება, ახლანდელი მმართველები წინააღმდეგობას უქმნიან ევროკავშირს, რომ დაეხმაროს ხალხს, ვინაიდან არსებობს სურვილი, რომ ევროკავშირმა მეტი გააკეთოს ქართველი ხალხისთივს, მაგრამ ეს შესაძლებელი იქნება მხოლოდ იმ შემთხვევაში, თუ საქართველოს გაუძღვებიან პოლიტიკოსები, რომლებიც ვალდებულებებს პატივს სცემენ.

"სამწუხაროდ, საქართველოს ხელისუფლება, ახლანდელი მმართველები წინააღმდეგობას უქმნიან ევროკავშირს, რომ დაეხმაროს ხალხს. გვინდა, მეტი გავაკეთოთ ხალხების დაახლოებისა და ეკონომიკური თვალსაზრისით. ეს შესაძლებლობა იქნება მხოლოდ იმ შემთხვევაში, თუ საქართველოს გაუძღვებიან პოლიტიკოსები, რომლებიც არიან სანდო, ნამდვილად პატივს სცემენ ვალდებულებებს. ფული, რომლებსაც პოლიტიკოსები და ბიზნესმენები აკეთებენ, არასდროს უნდა იყოს გამოყენებული მოქალაქეების წინააღმდეგ, ამიტომ ვფიქრობ, უნდა დავასანქციროთ ოლიგარქები, რომლებმაც დააგროვეს ფული რუსეთთან მჭიდრო კავშირებით, რომელიც არის აგრესორი და შეიჭრა უკრაინაში. პირები, რომლებმაც იშოვეს ფული კორუფციის, ფულის გათეთრების, რუსეთთან კავშირის საშუალებით და პირები, ვინც იყენებენ ამ ფულს სახელმწიფოს მიტაცების, მედიისა და პოლიტიკოსების მიტაცებისა და კონტროლისთვის უნდა დასანქცირდნენ ევროკავშირის მხრიდან, რადგან სახიფათო არიან დემოკრატიის, კანონის უზენაესობისა და დამოუკიდებელი მართლმსაჯულებისთვის", - განაცხადა ევროპარლამენტარმა.

ავტორი: ექსპრესნიუსი,

სოციალური ქსელები

დასავლეთ საქართველოში მოსალოდნელია ძლიერი ნალექი, ქარბუქი, შტორმი - სააგენტოს გაფრთხილება

საქართველოს ბანკმა ბიზნესისთვის ფინანსური მიმზიდველობის თემაზე ვორკშოპი გამართა

ნარმანია - ბუნებრივ აირზე უფრო მაღალი ტარიფი შეიძლება დადგინდეს მაღალი მოხმარების ოჯახებისთვის

გამოძიება- ახალგაზრდა ორბანი საიდუმლო სამსახურების ინფორმატორი იყო, მისი მხილებები, სავარაუდოდ, მოსკოვში მიდიოდა