მერაბიშვილი თვითონ არ ჩანდა, ვინაიდან მისი, როგორც სადისტის, ავტორიტეტი სერიოზულად დამაზიანებელი იყო მისი პოლიტიკური გუნდისთვის, მაგრამ ბოლო პერიოდში გადაწყვიტა, რომ ნაბიჯები, ასპარეზზე გამოსვლაა საჭირო, ვინაიდან ვერც მელიამ და ვერც ხაბეიშვილმა ვერ გაამართლეს, - ამის შესახებ პარლამენტის ვიცე-სპიკერმა გია ვოლსკიმ განაცხადა.

მისივე თქმით, მერაბიშვილმა მოახერხა ქართულ ისტორიაში ახალი სიტყვის თქმა, თუ როგორი სადიზმი უნდა გამოიჩინო ადამიანების მიმართ, რომ შენი პოლიტიკური მოსაზრებები დაამკვიდრო და ძალაუფლება ჩაიგდო ხელში.

„მერაბიშვილი თვითონ არ ჩანდა, ვინაიდან მისი, როგორც სადისტის, ავტორიტეტი სერიოზულად დამაზიანებელი იყო მისი პოლიტიკური გუნდისთვის, მაგრამ ბოლო პერიოდში გადაწყვიტა, რომ ნაბიჯები, ასპარეზზე გამოსვლაა საჭირო, ვინაიდან ვერც მელიამ და ვერც ხაბეიშვილმა ვერ გაამართლეს.

ხაბეიშვილს აქებს, რადგან მისი კანდიდატურაა, მან დაუჭირა მხარი და იძულებულია, თორემ ამ პოლიტიკურ პროცესებში მისი ჩართულობა იმ მიზანზე იყო ორიენტირებული, რომ გუნდი, რომელიც ფიზიკურ ძალას გამოიყენებდა, დაპირისპირებების პროვოკაციას მოახდენდა, სწორედაც ვანო მერაბიშვილს უნდა დაქვემდებარებულიყო, როგორც ამ თემის პროფესიონალს.

ერთ განცხადებაში ამბობს, პოლიციამ ძალას გადაამეტაო. ამას ამბობს ადამიანი, რომელმაც თავისი მეთოდებით „უზრუნველყო“, რომ  სწორედ საპროტესტო აქციის დაშლის დროს, რომელსაც ვანო მერაბიშვილი ხელმძღვანელობდა, უამრავი ადამიანი დაშავდა, დღემდე ჯანმრთელობა აქვს შერყეული და არაერთი დაიღუპა.

მოახერხა ახალი სიტყვის თქმა ქართულ ისტორიაში, როგორი სადიზმი უნდა გამოიჩინო ადამიანების მიმართ, რომ შენი პოლიტიკური მოსაზრება დაამკვიდრო, გაიტანო და ძალაუფლება ხელში ჩაიგდო. სწორედ ამ ნიშნით არის ვანო მერაბიშვილი შერჩეული და ამ ნიშნით ჩამოყალიბდება „ნაციონალური მოძრაობა“ უახლოეს პერიოდში“, - განაცხადა გია ვოლსკიმ.

ავტორი: ექსპრესნიუსი,

სოციალური ქსელები

დასავლეთ საქართველოში მოსალოდნელია ძლიერი ნალექი, ქარბუქი, შტორმი - სააგენტოს გაფრთხილება

საქართველოს ბანკმა ბიზნესისთვის ფინანსური მიმზიდველობის თემაზე ვორკშოპი გამართა

ნარმანია - ბუნებრივ აირზე უფრო მაღალი ტარიფი შეიძლება დადგინდეს მაღალი მოხმარების ოჯახებისთვის

გამოძიება- ახალგაზრდა ორბანი საიდუმლო სამსახურების ინფორმატორი იყო, მისი მხილებები, სავარაუდოდ, მოსკოვში მიდიოდა