რუსეთის ფედერაციის საბჭოს საერთაშორისო კომიტეტის ხელმძღვანელი, გრიგორი კარასინი ამბობს, რომ საქართველოს პრეზიდენტმა, სალომე ზურაბიშვილმა ვაშინგტონში მკაცრი ინსტრუქტაჟი მიიღო. 

როგორც კარასინი Telegram-ზე წერს, აშშ ითხოვს, რომ საქართველო რუსეთის წინააღმდეგ დაწესებულ სანქციებს შეუერთდეს. 

"სალომე ზურაბიშვილმა ვაშინგტონში მკაცრი ინსტრუქტაჟი გაიარა. ისინი ითხოვენ, რომ საქართველო შეუერთდეს რუსეთის წინააღმდეგ სანქციების რიგებს. საკითხავია, ეყოფა თუ არა თბილისს გამბედაობა, რომ დამოუკიდებლად განსაზღვროს, როგორ მოიქცეს",- წერს კარასინი. 

შეგახსენებთ, რომ საქართველოს პრეზიდენტი სალომე ზურაბიშვილი, სამუშაო ვიზიტით, 5 მარტს ამერიკის შეერთებულ შტატებს ეწვია და ნიუ იორკში, გაერო-ს ეკონომიკური და სოციალური საბჭოს ქალთა სტატუსის შესახებ კომისიის 67-ე სესიას დაესწრო. ვიზიტის ფარგლებში პრეზიდენტი ასევე შეხვდა ვაშინგტონში  ეროვნული უსაფრთხოების საკითხების აშშ-ის პრეზიდენტის მრჩეველს, ჯეიკ სალივანს. 

სალომე ზურაბიშვილმა საქართველოს მოსახლეობას ამერიკიდან არა ერთხელ მიმართა. ვიდეომიმართვაში სალომე ზურაბიშვილმა აღნიშნა, რომ საერთაშორისო პარტნიორებმა დაინახეს საქართველოს ევროპული გზის მიმართ არსებული "არაჩვეულებრივი განწყობა და ნამდვილად ხალხის ნება".  გარდა ამისა, მან განაცხადა, რომ ხელისუფლების მიმართ არის უნდობლობა, თუმცა ნებისმიერ კანონს, რომელიც არ იქნება თანხვედრაში ევროპულ გზასთან, ვეტოს დაადებს. 

ავტორი: ექსპრესნიუსი,

სოციალური ქსელები

ლონდონში ანტისემიტიზმის წინააღმდეგ მასობრივი მიტინგი გაიმართა

რეჟიმის წარმომადგენელი პაპუაშვილი - ფიშერის ფაილი დახურულია, გერმანიაში მის გამგზავრებას ველოდებით

საპატრიარქოში აცხადებენ, რომ საეკლესიო კრებაზე 1 200-მდე დელეგატი იქნება

პატრიარქის არჩევასთან დაკავშირებით, 11 მაისს, 09:00 საათიდან 18:00-მდე სამების მიმდებარე ტერიტორიაზე, რამდენიმე მიმართულებით საავტომობილო მოძრაობა შეიზღუდება