მე მგონია, რომ ქალბატონი სალომე არის ჩაკეტილ სივრცეში და არ მიეწოდება ინფორმაცია - რაღაცნაირად უნდა ვუშველოთ, - ამის შესახებ "ქართული ოცნების" დეპუტატმა, ირაკლი ზარქუამ საქართველოს პრეზიდენტთან დაკავშირებით განაცხადა.

როგორც ზარქუამ ჟურნალისტებთან საუბრისას აღნიშნა, თუ სალომე ზურაბიშვილი ნიჰილიზმშია და ქვეყნის ევროპული მომავლის არ სჯერა, პოლიტიკიდან უნდა წავიდეს ან ოპოზიციაში გადავიდეს.

"მე მგონია, რომ ქალბატონი სალომე არის ჩაკეტილ სივრცეში და არ მიეწოდება ინფორმაცია. მე ასეთი შთაბეჭდილება მრჩება. ქალბატონმა სალომემ უნდა იცოდეს, რომ პირიქით, საქართველო დღეს ყველაზე აქტუალურია დღის წესრიგში მსოფლიო თანამეგობრობაში, მათ შორის თავისი სატრანსპორტო შესაძლებლობებით, მათ შორის ევროკავშირისგან რამდენიმე მილიარდად შეფასებული ელექტროსადენი იდება საქართველოსა და ევროკავშირს შორის, მათ შორის ევროკომისიამ სამი დღის წინ შეაფასა ჩვენი რეფორმები და ერთ-ერთი მოწინავე ვართ. ამიტომ, მე ვისურვებდი, რომ ქალბატონ სალომეს მეტი ინფორმაცია მიეწოდოს. მე მგონია, რომ მას არ აქვს წვდომა და რაღაცნაირად უნდა ვუშველოთ, არ გამოდის ასე. შეუძლებელია ეს განცხადება გაკეთოს ქვეყნის პრეზიდენტმა, რომელიც ჩართულია ამ პროცესებში და თუ მხოლოდ ერთ არხს უყურებს, მაშინ გასაგებია... თუ ნიჰილიზმშია, არ სჯერა ამ ქვეყნის, წარმატებები ვუსურვოთ, ადგეს და გავიდეს მაშინ. დავიღალეო - თქვას და გავიდეს თუ არ შეუძლია საქართველოს გაუძღვეს ევროპული მომავლისკენ. ჩვენ გვაქვს მოლოდინი, რომ დეკემბრის თვეში კანდიდატის სტატუსს მივიღებთ. ვინც ამ ფერხულში არ მოგვყვება და პირიქით, საქართველოზე ასეთ რაღაცას იტყვის, არ არის მისი ადგილი, ჩემი აზრით, პოლიტიკაში, ან ოპოზიციაში გადავიდეს", - განაცხადა ზარქუამ.

შეგახსენებთ, 7 თებერვალს საქართველოს პრეზიდენტი მიხეილ სააკაშვილის საქმეზე თბილისის საქალაქო სასამართლოს გადაწყვეტილებას გამოეხმაურა. სალომე ზურაბიშვილმა ვრცელი განცხადება გაავრცელა, რომლითაც "ქართული ოცნების" ხელისუფლება "ჯიუტი გადაწყვეტილებებისა და რუსეთის მიმართ გაუგებარი ლმობიერების" გამო გააკრიტიკა.

ავტორი: ექსპრესნიუსი,

სოციალური ქსელები

რუსთაველის გამზირზე მოასფალტების სამუშაოები დაიწყო

კახა კალაძე - საკონსტიტუციო სასამართლოს წარვუდგინეთ არგუმენტები, რომ კონკრეტული პარტიები ქვეყნის წინააღმდეგ მოქმედებენ

თვითმფრინავებზე ბომბის მუქარამ კვლავ იმოქმედა ევროპაში ათობით რეისზე

ხელოვნური ინტელექტის აქციების არჩევნების შემდგომმა ვარდნამ გლობალური ბაზრები მოიცვა