პატრიარქი კირილი მუშაობდა კგბ-ში და 1970-იან წლებში საბჭოთა კავშირის სასარგებლოდ სადაზვერვო საქმიანობას ახორციელებდა. - ამის შესახებ, შვეიცარიული გაზეთი Tages-Anzeiger წერს, რომელმაც პოლიციის გასაიდუმლოებულ არქივებზე დაყრდნობით გამიძება ჩაატარა.

საუბარია იმ პერიოდზე, როდესაც ჟენევის ეკლესიათა მსოფლიო საბჭოში მოსკოვის საპატრიარქოს ოფიციალური წარმომადგენელი იყო ვლადიმერ გუნდიაევი, რომელსაც ოპერატიული ფსევდონიმი "მიხაილოვი" ჰქონდა.

Tages-Anzeiger-ის ცნობით, ჟურნალისტებმა 1969 წლიდან 1989 წლამდე შვეიცარიის ფედერალური პოლიციის არქივში დაათვალიერეს დოკუმენტები, რომლებიც, მათი თქმით, ადასტურებს გუნდიაევის კავშირს კგბ-სთან. ამის შემდეგ ის დაბრუნდა სსრკ-ში და სწრაფად დაიწყო მოძრაობა საეკლესიო იერარქიაში.

1971 წელს 24 წლის მღვდელ კირილს უფლება მიეცა გადასულიყო ჟენევაში, რათა წარმოედგინა რუსი მართლმადიდებლები ეკლესიათა მსოფლიო საბჭოში.

თავის ავტობიოგრაფიაში ჟენევაში საბჭოთა საელჩოს ყოფილი კონსული ვადიმ მელნიკოვი კირილს არა მხოლოდ დიპლომატს, არამედ კგბ-ს ოფიცერს უწოდებს. მოგვიანებით გამოქვეყნებული საბჭოთა დოკუმენტებიდან, ისტორიკოსებმა და ჟურნალისტებმა დაასკვნეს, რომ პატრიარქი კირილი მუშაობდა ჟენევის კგბ-ში მიხაილოვის ფსევდონიმით. მას უნდა შეეგროვებინა ინფორმაცია ეკლესიათა მსოფლიო საბჭოს წევრების შესახებ და გავლენა მოეხდინა მათ დამოკიდებულებაზე საბჭოთა კავშირის მიმართ.
რუსეთის მართლმადიდებლურმა ეკლესიამ უარი თქვა კომენტარის გაკეთებაზე კირილის სავარაუდო ჯაშუშურ საქმიანობაზე ჟენევაში, ხოლო WCC აცხადებს, რომ მას არ აქვს ინფორმაცია ამ საკითხზე.

ავტორი: ექსპრესნიუსი,

სოციალური ქსელები

საერთაშორისო გამჭვირვალობა - - ვახო სანაია ისჯება ბიძინა ივანიშვილისა და „ქართული ოცნების“ რეჟიმის მხილების, პრინციპული პოზიციისა და საქართველოს ევროპული მომავლისთვის ბრძოლის გამო

ზურაბიშვილი ვახო სანაიაზე - საქართველო მოსკოვის სცენარს სიტყვასიტყვით იმეორებს

საქართველოს ექსპორტი $6.1 მილიარდამდე გაიზარდა - პირველ ადგილზეა მსუბუქი ავტომობილები

ჟურნალისტ ვახო სანაიას სოციალურ ქსელში დაწერილი პოსტის გამო 30-დღიანი პატიმრობა შეუფარდეს