უკრაინის პრეზიდენტი ვოლოდიმირ ზელენსკი 2022 წლის თებერვლიდან მკვლელობის მცდელობას 12-ჯერ გადაურჩა. ამის შესახებ  დოკუმენტალისტი მწერალი კრის უიპლი, უკრაინელ მაღალჩინოსნებზე დაყრდნობით წერს.

გამოცემა The Independent-ის ცნობით, უკრაინაში ვიზიტის დროს, CIA-ს დირექტორმა ბილ ბერნსმა ვოლოდიმირ ზელენსკი მკვლელობის საფრთხის შესახებ გააფრთხილა. 

"ბერნსი ომის დაწყებამდე ჩავიდა კიევში, რათა ეცნობებინა ზელენსკისთვის, რომ რუსეთი მის მოკვლას გეგმავდა. 

ბაიდენმა დაავალა CIA-ს დირექტორს - აშშ-ის ყოფილ ელჩს რუსეთში - მიეწოდებინა ზელენსკისთვის "რუსული შეთქმულების ზუსტი დეტალები" - ამან მაშინვე მიიპყრო ზელენსკის ყურადღება, ის გაოგნებული იყო ამ ამბებით",- წერს გამოცემა. 

უიპლის თქმით, ამ წარმატებული ისტორიებიდან სულ მცირე ორი აშშ-ს დაზვერვის წყალობით მოხდა.

შეგახსენებთ, რომ 2022 წლის მარტში ბრიტანულმა გამოცემა „თაიმსმა“  გაავრცელა ინფორმაცია, რომ რუსეთ-უკრაინის ომის დაწყების შემდეგ პრეზიდენტი ვოლოდიმირ ზელენსკი სულ მცირე სამ მკვლელობის მცდელობას გადაურჩა. 

ავტორი: ექსპრესნიუსი,

სოციალური ქსელები

Politico - ევროკავშირი წლის ბოლომდე უკრაინისთვის 45 მილიარდი ევროს ოდენობის სესხის გამოყოფას გეგმავს.

პაპუაშვილი - იმაზე სამჯერ მეტი ადამიანი მონათლა გუშინ პატრიარქმა ზემო აჭარაში, ვიდრე თბილისში აქციაზე ვიხილეთ

სამადაშვილი - რუსების მოკავშირე ავტოკრატია დაემხო სერბეთში. რუსეთმა და ივანიშვილის რეჟიმმა კიდევ ერთი მოკავშირე დაკარგა

transparency international - ოცნება სულ მცირე 800 000 მოქალაქეს პოლიტიკური არჩევანის გარეშე დატოვებს