ნაცისტების საკონცენტრაციო ბანაკის ყოფილ თანამშრომელს 97 წლის ასაკში ორწლიანი პატიმრობა მიუსაჯეს

2022-12-20 20:53:34, 1561 ნახვა

სხვადასხვა

გერმანიაში 97 წლის ირმგარდ ფურხნერს ჰოლოკოსტში თანამონაწილეობის ბრალდებით 2 წლით პირობითი პატიმრობა მიესაჯა. ორი წლის განმავლობაში (1943 წლიდან 1945 წლამდე) ქალი მუშაობდა მდივნად შტუტჰოფის საკონცენტრაციო ბანაკში.

როგორც სასამართლომ დაადგინა, ფიურხნერი მუშაობდა ბანაკის კომენდანტის წერილებითა და დოკუმენტებით და ასრულებდა სხვა ადმინისტრაციულ მოვალეობებს, რაც ხელს უწყობდა საკონცენტრაციო ბანაკის მუშაობას, რომელშიც 65000 ადამიანი დაიღუპა.

დაცვის მხარე ამტკიცებდა, რომ ბრალდებულმა არ იცოდა ბანაკში მომხდარი მკვლელობების შესახებ. სასამართლო სხდომის ბოლოს ქალმა თქვა: „ბოდიშს ვიხდი ყველაფერზე, რაც მოხდა“.

BBC-ის ცნობით, ფურხნერის სასამართლო პროცესი უპრეცედენტოდ ითვლება, რადგან ის არ იყო სამხედრო წოდების წევრი, მაგრამ დაქირავებულ სამოქალაქო პირად იყო ჩამოთვლილი.

ერთი წლით ადრე ფიურხნერმა სცადა გაქცევა მოხუცთა თავშესაფრიდან სასამართლოსთვის დასამალად, მაგრამ გაქცევიდან რამდენიმე საათის შემდეგ იგი დააკავეს.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,