"ოცნებას" აქვს უმარტივესი არჩევანი - ან შეასრულოს კრემლიდან მომდინარე დავალება ან დათანხმდეს მშვიდობისთვის, თავისუფლებისთვის მებრძოლ მამაც მთავარსარდალს, - ასე ეხმაურება "ერთიანი ნაციონალური მოძრაობის" თავმჯდომარეობის კანდიდატი ლევან ხაბეიშვილი მიხეილ სააკაშვილთან დაკავშირებით უკრაინის პრეზიდენტის, ვოლოდიმირ ზელენსკის განცხადებას.

როგორც ხაბეიშვილმა ჟურნალისტებთან საუბრისას განაცხადა, მესამე პრეზიდენტის გადაყვანა უნდა მოხდეს "თუნდაც მხოლოდ იმის გამო, რომ ომში მყოფი მთავარსარდალი ითხოვს უკრაინის მოქალაქის ჯანმრთელობისა და სიცოცხლის უზრუნველყოფას".

"ცხადია, პრეზიდენტ სააკაშვილის გადაყვანა უნდა მოხდეს თუნდაც იმის გამო მხოლოდ, რომ ომში მყოფი მშვიდობისთვის მეომარი მთავარსარდალი ითხოვს საკუთარი მოქალაქის, უკრაინის მოქალაქის, თანამდებობის პირის მიხეილ სააკაშვილის ჯანმრთელობისა და სიცოცხლის უზრუნველყოფას. შესაბამისად, უმარტივესი არჩევანი აქვს "ქართულ ოცნებას" - ან შეასრულოს კრემლიდან მომდინარე დავალება, რასაც ამ ხნის განმავლობაში აკეთებს, ან დათანხმდეს მშვიდობისთვის, თავისუფლებისთვის მებრძოლ მამაც მთავარსარდალს", - ამბობს ლევან ხაბეიშვილი.

შეგახსენებთ, უკრაინის პრეზიდენტმა, ვოლოდიმირ ზელენსკიმ საქართველოს ხელისუფლებას მოუწოდა, რომ მიხეილ სააკაშვილი უკრაინის, სხვა ევროპული ქვეყნის ან ამერიკის რომელიმე კლინიკაში გადაიყვანონ.

ავტორი: ექსპრესნიუსი,

სოციალური ქსელები

კალასი: უკრაინასთან დაკავშირებით სამშვიდობო შეთანხმება ევროკავშირის მონაწილეობის გარეშე შეუძლებელია

სენატორმა ბერნი სანდერსმა დემოკრატებს მოუწოდა, შეწყვიტონ აშშ-ის მიერ ირანის წინააღმდეგ ომის დაფინანსება

ტრამპმა უკრაინასთან დაკავშირებით მოლაპარაკებები გამოაცხადა და ევროპის მონაწილეობით მნიშვნელოვანი შეთანხმების მიღწევა დაანონსა

გუდაურსა და კობს შორის, მისაბმელიანი და ნახევრადმისაბმელიანი ავტოტრანსპორტის მოძრაობა დროებით შეიზღუდა