2022-12-16 09:49:36, 2606 ნახვა

---

წინააღმდეგობის ცენტრი - ოკუპანტებმა ლისიჩანსკიდან და სევეროდონეცკიდან რუსეთში 40 ბავშვი წაიყვანეს

რუსმა ოკუპანტებმა ლისიჩანსკიდან და სევეროდონეცკიდან რუსეთის ფედერაციის ტერიტორიაზე 40 ბავშვი წაიყვანეს. აღნიშნულის შესახებ ინფორმაციას უკრაინის „ეროვნული წინააღმდეგობის ცენტრის“ ავრცელებს.  

ცენტრის ცნობით, რუსები უკრაინელ ბავშვებს ტოტალურ სამედიცინო გამოკვლევებს უტარებენ, რათა ბავშვთა ბანაკებში „სამკურნალოდ“ იძულებით გაგზავნონ.

„რუსები უკრაინელ ბავშვებს უტარებენ ტოტალურ სამედიცინო გამოკვლევებს, რათა იძულებით გაგზავნონ ბავშვთა ბანაკებში „სამკურნალოდ“. წინა დღით დამპყრობლებმა რუსეთის ფედერაციის სტავროპოლის მხარეში ლისიჩანსკიდან და სევეროდონეცკიდან 40 ბავშვი წაიყვანეს", - აცხადებენ ცენტრში.

ამასთან, ცენტრი აცხადებს, რომ ბანაკებში ბავშვებს ეუბნებიან, რომ ომი უკრაინამ დაიწყო.

„მომავალში მათ არ უბრუნებენ მშობლებს, სანამ თვითონ არ მივლენ მათ წასაყვანად, შემდეგ ოჯახებს უკან არ უშვებენ, რადგან რუსეთს საომარი მდგომარეობა აქვს გამოცხადებული“,- აცხადებენ ცენტრში.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი