გარემოს დაცვისა და სოფლის მეურნეობის სამინისტროს გარემოსდაცვითი ზედამხედველობის დეპარტამენტის თანამშრომლებმა, ლენტეხის მუნიციპალიტეტში დიდი ოდენობით ხე-ტყის უკანონოდ მოპოვების ფაქტი გამოავლინეს.

გარემოსდაცვითი ზედამხედველობის დეპარტამენტის ცნობით, უკანონო ტყითსარგებლობის წინააღმდეგ ბრძოლის ფარგლებში, დეპარტამენტის თანამშრომლებმა, სოფელ ხელედში, რეგისტრირებული სახერხი საამქრო გადაამოწმეს. საამქროს ტერიტორიაზე  დასაწყობებული იყო წიწვოვანი და წიფლის სახეობის 28 ერთეული დაუფირნიშებელი მრგვალი ხე-ტყე (მორი). მიმდებარედ დასაწყობებული პირველადი გადამუშავების პროდუქტიდან კი, 96 კუბურ მეტრზე მეტი მოცულობის ხე-ტყე უკანონოდ იყო მოპოვებული.

"სახერხი საამქროს ტერიტორიაზე, ჯამში, 253,71 კუბური მეტრი მოცულობის უკანონო ხე-ტყე დაილუქა. 

რადგან ხე-ტყის უკანონო მოპოვებით გარემოსთვის მიყენებული ზიანის ოდენობა 61, 5 ათას ლარზე მეტია და ზიანის მნიშვნელობიდან გამომდინარე გამოიკვეთა სისხლის სამართლის დანაშაულის ნიშნები, მასალები, შემდგომი რეაგირების მიზნით, შესაბამის უწყებაში გადაიგზავნა", - ნათქვამია გარემოსდაცვითი ზედამხედველობის დეპარტამენტის ინფორმაციაში. 

ავტორი: NS (სტატია დაფინანსებულია),

სოციალური ქსელები

ფაშინიანი ხელახლა არჩევის შემთხვევაში სომხეთის სამოციქულო ეკლესიის დაბეგვრას გეგმავს

EBRD-ის, ADB-ისა და საქართველოს ბანკის თანამშრომლობით, რეგიონული კონფერენცია „Digital Trade for Growth in the Middle Corridor : Foundations, Finance and Adoption“ გაიმართა

ევროსაბჭოს კომისარმა საქართველოს ხელისუფლებას შემზღუდავი კანონების გაუქმებისკენ მოუწოდა

კალასი: ევროკავშირმა შესაძლოა კვლავ წამოჭრას „ოცნებისა“ და ივანიშვილის წინააღმდეგ სანქციების საკითხი