2022-11-26 10:00:29, 1894 ნახვა

---

NYT - უკრაინისთვის მიწოდებული არტილერიის მესამედი უმოქმედოა, მისი შეკეთება პოლონეთში მიმდინარეობს

აშშ-ს შეიარაღებულმა ძალებმა პოლონეთში მოაწყეს სარემონტო ბაზა, სადაც  უკრაინისთვის მიწოდებულ საარტილერიო იარაღს აკეთებენ,-აღნიშნულის შესახებ ინფორმაციას The New York Times-ი ავრცელებს.

გამოცემის ცნობით, ბრძოლის დროს მიღებული ცვეთისა და დაზიანების გამო, დასავლეთის ქვეყნების მიერ უკრაინისთვის მიწოდებული დაახლოებით 350 საარტილერიო ნაწილიდან მესამედი უმოქმედოა.

როგორც გამოცემა აღნიშნავს, ევროპაში აშშ-ის შეიარაღებული ძალების სარდლობის პრიორიტეტი ამ იარაღის შეკეთების ორგანიზება, სწორედ ამიტომ, აშშ-ს სამხედროებმა მოაწყვეს სარემონტო ბაზა პოლონეთში.

გამოცემის წყაროების ცნობითვე, უკრაინული მხარე საჭიროდ მიიჩნევს, რომ ასეთი სარემონტო ბაზები ბრძოლის ველთან ახლოს იყოს განთავსებული.

შეგახსენებთ, რომ ასეთი სერვის ცენტრების შექმნის ინიციატივით გამოვიდა გერმანიაც.

ის ასევე შექმნის სერვის ცენტრს სლოვაკეთში უკრაინისთვის მიწოდებული იარაღის მოვლისა და შეკეთების მიზნით.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი