"რაც დღეს აქ ხდება, ეს სახელმწიფოს დღეს არ სჭირდება, ეს არის დადგმული იმისთვის, რომ რაღაცნაირად პასუხისმგებლობა ავკიდოთ მმართველ ხელისუფლებას, - ასე აფასებს „ევროპული სოციალისტების" დეპუტატი, ფრიდონ ინჯია პარლამენტში ინტერპელაციის წესით პრემიერის მოსმენას.

.ინჯია მოუწოდებს ირაკლი ღარიბაშვილს, რომ გააგრძელოს "ეკონომიკური წინსვლა, ვინაიდან ეს ყველაფრის მაჩვენებელია".

"რაც დღეს აქ ხდება, ეს სახელმწიფოს დღეს არ სჭირდება, ეს არის დადგმული იმისთვის, რომ რაღაცნაირად პასუხისმგებლობა ავკიდოთ მმართველ ხელისუფლებას და პირადად თქვენ, ბატონო პრემიერო და რაღაცა გამოვძებნოთ, რომ თქვენ ცუდს აკეთებთ. ეს ჩვენს ქვეყანას არ სჭირდება. 

რა გვინდა ჩვენ? თქვენ 2600 კითხვას უპასუხეთ, შეიტანეთ განაცხადი, მერე პერსპექტივა, მერე სტატუსი, მერე გამოსწორების დრო და იქნება ესე. ახლა წარმოიდგინე, ახლა რომელიმე იმ 7 თუ 8 ქვეყნიდან, რომლებიც კანდიდატები არიან და ასე მითითებას გააგზავნიან ევროკავშირში და დაიბარებენ ერდოღანს პარლამენტში და ექნებათ კითხვა პასუხი იქ- "რატომ ამას არ აკეთებ, რატომ იმას არ აკეთებ? რატომ არ ათავისუფლებ  ვიღაც დამნაშავედ?" - იქნება ასეთი? არა. 

მაგრამ რაც გვაქვს ახლა ჩვენ და რასაც ახლა მიაღწიეთ, ამ წელების განმავლობაში, ეს ეკონომიკური წინსვლა, ყველაფრის მაჩვენებელია, თქვენ ასე გააგრძელეთ",- განაცხადა ინჯიამ. 

ცნობისთვის, დღეს საქართველოს პარლამენტში ინტერპელაციის წესით პრემიერ-მინისტრ ირაკლი ღარიბაშვილს უსმენენ.

პრემიერ-მინისტრი ოპოზიციონერი დეპუტატების: გიორგი ვაშაძის, პაატა მანჯგალაძის, თეონა აქუბარდიას, ხათუნა სამნიძის, ტარიელ ნაკაიძის, თამარ კორძაიას, როსტომ ჩხეიძის და ნატო ჩხეიძის მიერ გაგზავნილ კითხვებს პასუხობს.

შეკითხვები საქართველოსთვის ევროკავშირის კანდიდატი ქვეყნის სტატუსის მინიჭებას და „ქართული ოცნებისა“ და „ხალხის ძალის“ დეპუტატების მიერ გაკეთებულ განცხადებებს შეეხება.

ავტორი: ექსპრესნიუსი,

სოციალური ქსელები

უკრაინამ ამ კვირაში სარატოვში მეშვიდე ნავთობგადამამუშავებელი ქარხანა და ორელში ელექტრონიკის ქარხანა დაბომბა

წარსულში არსებული კონფლიქტის ნიადაგზე, მეზობლად მცხოვრები მამაკაცი გადაჭრილი თოფიდან - ე.წ. აბრეზიდან გასროლით დაჭრა, იგი დააკავეს

ბალისტიკური რაკეტების სამი ტალღა, ხიდზე დარტყმა და ენერგეტიკის სექტორი: ყველაფერი კიევზე თავდასხმის შედეგების შესახებ

ევროპულმა ტელეარხებმა ბომბის შესახებ მუქარა მიიღეს