უკრაინის შეიარაღებული ძალები ხერსონში შევიდნენ, კადრები შუმენსკის რაიონიდან ვრცელდება.

გავრცელებულ კადრებში ჩანს, როგორ შეხვდნენ სამხედროებს ქალაქში შეკრებილი მოქალაქეები. შემთხვევის ადგილიდან კადრები ადგილობრივმა ჟურნალისტმა კონსტანტინე რიჟენკომ გამოაქვეყნა. 

ფოტოებში ჩანს, რომ ხერსონის რეგიონალური სახელმწიფო ადმინისტრაციის შენობასთან უამრავი ადამიანი შეიკრიბა, ზოგს თან ჰქონდა უკრაინის მხარდამჭერი სიმბოლოები.

უკრაინის თავდაცვის სამინისტრო რუს სამხედროებს მიმართავს და ხერსონში არსებულ ვითარებასთან დაკავშირებით წერს, რომ ხერსონი უკრაინის კონტროლს უბრუნდება. 

"როგორც მოსალოდნელი იყო, უკრაინული ხერსონიდან რუსული არმიის ჯარების ძირითადი დაჯგუფების გაყვანის შემდეგ, თქვენმა სარდლობამ მიგატოვათ.

თქვენი მეთაურები მოგიწოდებენ, ჩაიცვათ სამოქალაქო ტანსაცმელი და სცადოთ ხერსონიდან თავის დაღწევა. ცხადია, წარმატებას ვერ მიაღწევთ.

ხერსონი უკრაინის კონტროლ ქვეშ უბრუნდება, ქალაქში უკრაინის შეიარაღებული ძალების ქვედანაყოფები შედიან. რუსი დამპყრობლების უკან დახევის მარშრუტები უკრაინის არმიის საცეცხლე კონტროლის ქვეშაა. უკრაინის შეიარაღებულ ძალებთან დაპირისპირების ნებისმიერი მცდელობა აღიკვეთება. ყველა რუსი სამხედრო, რომელიც წინააღმდეგობას გაგვიწევს, განადგურდება.

თქვენ გაქვთ სიკვდილის თავიდან აცილების ერთადერთი შანსი - დაუყოვნებლივ დანებდეთ.

ნებაყოფლობით ჩაბარების შემთხვევაში უკრაინა სიცოცხლისა და უსაფრთხოების გარანტიას გაძლევთ. ჩვენ ვიცავთ ჟენევის კონვენციებს, გარანტიას ვიძლევით საკვების, სამედიცინო დახმარების და თქვენი გაცვლის შესაძლებლობის უკრაინის შეიარაღებული ძალების სამხედროებში, რომლებიც რუსეთის ტყვეობაში არიან.

უსაფრთხოდ ჩაბარებისთვის, უკრაინის სარდლობის უფლებამოსილ წარმომადგენლებთან ჩაბარების პირობების განხილვის შემდეგ, შეგიძლიათ დარეკოთ უკრაინის სახელმწიფო პროექტის ცხელ ხაზზე "მე მინდა ვიცხოვრო",- აღნიშნულია განცხადებაში. 

მედიის ცნობით, რეგიონალური სახელმწიფო ადმინისტრაციის შენობის თავზე უკრაინის დროშა უნდა დამონტაჟდეს.

ცნობისთვის, გუშინ, 10 ნოემბერს გავრცელდა ინფორმაცია, რომ რუსულმა სამხედრო დანაყოფებმა უკრაინის ხერსონის რეგიონში მდინარე დნეპრის მარცხენა ნაპირზე გადასვლა დაიწყეს.

იქამდე, 9 ნოემბერს რუსულმა მედიამ თავდაცვის მინისტრზე, სერგეი შოიგუზე დაყრდნობით გაავრცელა ინფორმაცია, რომ რუსეთს ხერსონიდან შეიარაღებული ძალები გაჰყავდა. 

ვოლოდიმირ ზელენსკის თქმით, სამხრეთით შეიარაღებული ძალები ფრთხილად მიიწევენ წინ, რათა კონტრშეტევა მინიმალური დანაკარგებით წარიმართოს, რადგან მტერი უბრძოლველად არ აპირებს პოზიციების დათმობას.

ავტორი: ექსპრესნიუსი,

სოციალური ქსელები

ტრამპის ადმინისტრაციამ განაცხადა, რომ რუსეთის წინააღმდეგ სანქციები რამდენიმე ქვეყნის მოთხოვნის საფუძველზე შეამსუბუქა

ტრამპმა შეადგინა ნატოს „ურჩი“ ქვეყნების სია, რომლებიც ვაშინგტონის სურვილით, დაისჯებიან

საქართველო „ღია მმართველობის პარტნიორობიდან “ (OGP) გარიცხეს

გავარმიას ინფორმაციით, ბერა ივანიშვილის და კახი კალაძის სამეგობროს ჩხუბის შემდეგ, ივანიშვილის მეგობრები სუს-მა დააკავა