რუსეთის ფედერაცია „ენერგეტიკული გენოციდის“ ჩადენას ცდილობს, - ამის შესახებ უკრაინის პრეზიდენტის ოფისის მრჩეველმა, მიხაილო პოდოლიაკმა სოციალურ ქსელ Twitter-ზე დაწერა.

პოდოლიაკის განცხადებით, უკრაინა გამოწვევებს ეფექტურად უმკლავდება და პრობლემის მოსაგვარებლად, პარტნიორებთან ერთად მუშაობას აგრძელებს.

"მოდი, ვიყოთ გულწრფელები: რუსეთის ფედერაცია ცდილობს „ენერგეტიკული გენოციდის“ ჩადენას, მაგრამ კიევი და უკრაინა ფეხზე იდგება. მარტივი დაცვის გეგმა: საჰაერო თავდაცვა, ინფრასტრუქტურის ობიექტების დაცვა, მოხმარების ოპტიმიზაცია. სახელმწიფო ეფექტურად უმკლავდება ამ გამოწვევებს. ჩვენ პარტნიორებთან ერთად ვმუშაობთ პრობლემის მოგვარებაზე", - აცხადებს პოდოლიაკი.

შეგახსენებთ, რომ კიევის მერი, ვიტალი კლიჩკო დედაქალაქში ელექტროენერგიისა და წყალმომარაგების სრულ შეწყვეტას არ გამორიცხავს.

როგორც The New York Times წერს, ელექტროენერგიის სრული გათიშვის შემთხვევაში, კიევის ხელისუფლებამ მოსახლეობის სრული ევაკუაციის დაგეგმვა დაიწყო. 

ევაკუაციის შემთხვევაში, უკრაინის დედაქალაქის დატოვება 3 მლნ მცხოვრებს მოუწევს.

ენერგიის დაზოგვის მიზნით კიევში 6 ნოემბრიდან საათობრივი გათიშვაა დაწესებული.

ავტორი: ექსპრესნიუსი,

სოციალური ქსელები

საფრანგეთში ცხოვრების ფასების ზრდის წინააღმდეგ გამართულ საპროტესტო აქციებში დაახლოებით 320 000 ადამიანი მონაწილეობდა

შეერთებულმა შტატებმა ბელორუსს Boeing-ის სათადარიგო ნაწილებისა და ახალი თვითმფრინავების შეძენის უფლება მისცა

ტუსკი საკონსტიტუციო ტრიბუნალზე - ყვირილი, ტყუილი და ჩხუბი პოლონეთში კანონის წყარო არ შეიძლება იყოს

ტრამპმა განაცხადა, რომ უკრაინის საკითხზე შეთანხმების მიღწევა შესაძლებელია G20-ის სამიტამდე