უახლოეს კვირებში, უკრაინის საჰაერო და ანტისარაკეტო თავდაცვასთან დაკავშირებით, კარგ სიახლეებს ველით, - ამის შესახებ უკრაინის პრეზიდენტმა, ვოლოდიმირ ზელენსკიმ განაცხადა.

როგორც ზელენსკიმ სოციალურ ქსელში გავრცელებულ ვიდეომიმართვაში აღნიშნა, გაიმართა უმაღლესი მთავარსარდლის სხდომა, სადაც ფრონტის ხაზზე არსებული ვითარება განიხილეს.

"დეტალურად გავაანალიზეთ სიტუაცია ფრონტის ხაზზე - ყველა მიმართულებით, ენერგეტიკულ ფრონტზე, სიტუაცია საზღვრებზე. ჩვენ ვიცით რისთვის ემზადება მტერი. ჩვენ ვუპასუხებთ და გავაგრძელებთ ჩვენი მიწის გათავისუფლებას.

ასევე საფუძვლიანად იქნა გაანალიზებული ყველაფერი, რაც ეხება თავდაცვის ძალების მიწოდების მხარდაჭერას. ეს არის აღჭურვილობა, საბრძოლო მასალა, კომუნიკაცია, ზამთრის ფორმები", - აცხადებს უკრაინის პრეზიდენტი.

ზელენსკის თქმით, უკრაინას "უპილოტო ტერორის" წინააღმდეგ ბრძოლაში მნიშვნელოვანი შედეგები აქვს და ახლა ქვეყანა ცის სრულად დაცვაზე მუშაობს.

"ცალკე განიხილებოდა სარაკეტო და უპილოტო ტერორის წინააღმდეგ კონტრზომები - ამაში უკვე საკმაოდ მნიშვნელოვანი შედეგებია. ჩამოგდების მაჩვენებელი გაიზარდა, მაგრამ ჯერ კიდევ ბევრია გასაკეთებელი. ჩვენ უნდა უზრუნველვყოთ უკრაინის ცის სრული დაცვა და ამისთვის გავაკეთებთ ყველაფერს. უახლოეს კვირებში ჩვენ ველით კარგ სიახლეებს უკრაინის საჰაერო და ანტისარაკეტო თავდაცვასთან დაკავშირებით", - განაცხადა ზელენსკიმ.

ავტორი: ექსპრესნიუსი,

სოციალური ქსელები

კობახიძე - ოპოზიციის მორიგი ე.წ გაერთიანება საერთოდ არ არის საინტერესო, ეს არის ალბათ მეათე ე.წ. ფანჩატური, რომელსაც ქმნიან ხოლმე, მერე შლიან

კობახიძე - როდესაც ევროკავშირის ელჩი ქართველ ხალხს ემუქრება სამოქალაქო ომით და გაღარიბებით, ეს უბრალოდ წარმოუდგენელია

ბოჭორიშვილი: „თუ ვინმემ უნდა შეცვალოს დამოკიდებულება, ეს არის მხოლოდ და მხოლოდ ევროკავშირის ამჟამინდელი ბიუროკრატია ბრიუსელში

ჰერჩინსკი: მალე გაირკვევა, საქართველო ევროპულ ოჯახს ეკუთვნის თუ ბნელ წარსულს დაუბრუნდება