ზაპოროჟიეს ატომური ელექტროსადგური მთლიანად გაითიშა ელექტროქსელიდან,- აღნიშნულის შესახებ უკრაინული სახელმწიფო კომპანია „Energoatom“-ი ავრცელებს.

Energoatom-ის ცნობით, სადგური ელექტროქსელიდან მას შემდეგ გაითიშა, რაც რუსულმა დაბომბვამ დააზიანა დარჩენილი მაღალი ძაბვის ხაზები, სადგურზე მხოლოდ დიზელის გენერატორები მუშაობს.

„გუშინ, 2022 წლის 2 ნოემბერს, რასისტული დაბომბვის შედეგად დაზიანდა ზაპოროჟიას ატომური ელექტროსადგურის ბოლო ორი მაღალი ძაბვის საკომუნიკაციო ხაზი უკრაინის ენერგოსისტემასთან. 23:04 საათზე სადგური სრულ ჩაქრობის რეჟიმში გადავიდა. 20-ვე დიზელის გენერატორი ჩართული იყო.

ამჟამად ZNPP-ის დამხმარე ელექტრომომარაგების წრე ოპტიმიზირებულია, ექსპლუატაციაში დარჩა 9 დიზელის გენერატორი. მეხუთე და მექვსე ენერგობლოკები გადაყვანილია ცივ მდგომარეობაში", - ნათქვამია ანგარიშში.

მათივე ცნობით, ელექტროსადგურს აქვს 15 დღის საწვავი გენერატორების სამუშაოდ და ახლა "ათვლა დაწყებულია".

„ქარხნის ოკუპაციისა და მის მუშაობაში Rosatom-ის წარმომადგენლების ჩარევის გამო, ათვლა დაწყებულია. უკრაინული მხარის შესაძლებლობა შეინარჩუნოს ZNPP უსაფრთხო რეჟიმში მნიშვნელოვნად შეზღუდულია“,- ვკითხულობთ ანგარიშში.

შეგახსენებთ, რომ ოკუპანტებმა ზაპოროჟიეს ატომური ელექტროსადგურის მეხუთე ენერგობლოკის სახურავზე ელექტრონული ომის სისტემები განათავსეს და იქიდან უკრაინის ქალაქებს ბომბავდნენ.

Energoatom-ის ცნობით, საერთო ჯამში სადგურის ტერიტორიაზე რუსების 40 ერთეულზე მეტი სამხედრო ტექნიკა და 500-ზე მეტი დამპყრობელი იყო განლაგებული .

ზაპოროჟიეს ატომურ ელექტროსადგურზე ვიზიტის შედეგად, IAEA-მ ოკუპანტებს მოუწოდა შეწყვიტონ დაბომბვა და სადგურის გარშემო უსაფრთხო ზონა შეიქმნას.

ავტორი: ექსპრესნიუსი,

სოციალური ქსელები

საპატრიარქოს ტახტის მოსაყდრე შიომ საპატრიარქოში ოცნების საგარეო მინისტრი, მაკა ბოჭორიშვილი მიიღო

ყარაბაღის შესახებ მიღებული რეზოლუციის გამო აზერბაიჯანი ევროპარლამენტთან კავშირს წყვეტს

თიბისი კაპიტალმა უზბეკეთის საინვესტიციო გარემოს შესახებ მაკროეკონომიკური განახლება გამოაქვეყნა

საკულტო მოდელით შთაგონებული: ახალი Cayenne Coupé Electric