აშშ-ს პრეზიდენტმა ჯო ბაიდენმა რუსეთის მიერ მარცვლეულის მიწოდების ხელშეკრულების შეწყვეტას "აღმაშფოთებელი" უწოდა.

მისი თქმით,  რუსეთს არ ჰქონდა არანაირი საბაბი, რომ ასე მოქცეულიყო. 

"ეს არის სრულიად აღმაშფოთებელი, ეს გამოიწვევს შიმშილის გაზრდას. არ არსებობს მიზეზი, რომ მათ ასე მოიქცნენ", - განაცხადა აშშ-ს პრეზიდენტმა. 

თავის მხრივ, თეთრი სახლის ეროვნული უშიშროების საბჭოს პრესსამსახურის ხელმძღვანელი, ადრიენ უოტსონი, რუსეთის ფედერაციის გადაწყვეტილებას მარცვლეულის შეთანხმებაში მონაწილეობის შეწყვეტის შესახებ „საკვების იარაღად გამოყენების საბაბად მიიჩნევს“. 

მისი თქმით, ასეთი ნაბიჯი „პირდაპირ აისახება გაჭირვებულ ქვეყნებზე და სურსათის მსოფლიო ფასებზე“, ასევე „აუარესებს ვითარებას ჰუმანიტარულ კრიზისთან და სასურსათო უსაფრთხოებასთან დაკავშირებით“.

შეგახსენებთ, რომ შაბათს, 29 ოქტომბერს, აფეთქებები გაისმა სევასტოპოლის ყურეში , დროებით ოკუპირებულ ყირიმში. რუსეთმა მომხდარში უკრაინა დაადანაშაულა.

მოგვიანებით, რუსეთის ფედერაციის თავდაცვის სამინისტრომ გამოაცხადა, რომ რუსეთი ტოვებს მარცვლეულის შეთანხმებას სევასტოპოლში შავი ზღვის ფლოტის გემებზე „შეტევების“ შემდეგ.

უკრაინის პრეზიდენტმა ვოლოდიმირ ზელენსკიმ რუსეთის ფედერაციის მიერ მარცვლეულის ექსპორტის შეჩერებას პროგნოზირებადი უწოდა და მსოფლიოს მკაცრი რეაგირებისკენ მოუწოდა.

ავტორი: ექსპრესნიუსი,

სოციალური ქსელები

სერბულმა ტელეარხმა RTV-მ მაყურებელს წლების განმავლობაში ინფორმაციის ფალსიფიკაციის გამო ბოდიში მოუხადა

„როსსელხოზნადზორი“ საქართველოში ხილ-ბოსტნეულის ფიტოსანიტარიული სერტიფიცირების სისტემას გაეცნობა

კანონპროექტის თანახმად, კაზინოები საერთაშორისო ტურნირების ჩატარებისას საგადასახადო შეღავათით ისარგებლებენ

ლილოს ბაზრობა "ოცნების" მთავარი დამფინანსებელია - მფლობელებმა პარტიას 3,5 მლნ. აჩუქეს - TI