ზამთრის მოახლოებასთან ერთად კაცებს, ქალებსა და ბავშვებს ჩაუკეტო წყალი, დენი და გათბობა, წმინდად ტერორის აქტებია,- ასე გამოეხმაურა ევროპული კომისიის პრეზიდენტი, ურსულა ფონ დერ ლაიენი რუსეთის მიერ უკრაინის დაბომბვას.

მისი თქმით, რუსეთის ეს ქმედებები ახალი თავია ისედაც ძალიან სასტიკ ომში.

„გუშინ, ჩვენ ვნახეთ, რომ რუსეთმა სამოქალაქო ინფრასტრუქტურის წინააღმდეგ თავდასხმა განახორციელა. ეს ახალი თავია ისედაც ძალიან სასტიკ ომში. საერთაშორისო წესრიგი გარკვევით გვეუბნება. ეს ომის დანაშაულებია. სამოქალაქო ინფრასტრუქტურაზე მიზნობრივი თავდასხმა, რათა ზამთრის მოახლოებასთან ერთად კაცებს, ქალებსა და ბავშვებს ჩაუკეტო წყალი, დენი და გათბობა, წმინდად ტერორის აქტებია",- განაცხადა ლაიენმა.

შეგახსენებთ, რომ ყირიმის ხიდის აფეთქების საპასუხოდ 10 ოქტომბერს, რუსეთმა უკრაინის ქალაქები დაბომბვა დაიწყო.

მედიისა და ადგილობრივი ხელისუფლების ცნობით თავდასხმის ქვეშ მოექცა კიევი, ხმელნიცკი, ჟიტომირი, ტერნოპილი, ლვოვი, კრემენჩუგი, კრივი რიჰი, ხარკოვი, კონოტოპი, ოდესა და დნიპრო.

ამასთან თავდასხმების სერია არ შეწყვეტილა. ოკუპანტები აგრძელებენ უკრაინის დაბომბვას კამიკაძე დრონებითა და ფთოსანი რაკეტებით.

ავტორი: ექსპრესნიუსი,

სოციალური ქსელები

მახაშვილი - სერბეთის არჩევნების საკუთარ წარმატებად მონათვლა აჩვენებს, თუ რა ღრმა ილუზიებში იმყოფება ქართული არაკონსტიტუციური ოპოზიცია

კახა კალაძე საკონსტიტუციო სასამართლოში მიმდინარე მოვლენებზე: ოპოზიცია სასამართლოს ტრიბუნას მხოლოდ პოლიტიკური განცხადებებისთვის იყენებს

კირცხალია - ჩვენი აზრით, უნდა გასამართლდეთ და აიკრძალოთ იმიტომ, რომ თქვენ შექმენით წამების, მკვლელობისა და რეკეტის ძალადობრივი სისტემა

ირანის ელჩი ქართულ კომპანიების ირანის გავლით ავღანეთის სავაჭრო ბაზარს სთავაზობს