რუსი სამხედროების მიერ უკრაინელი ბავშვების გატაცება კიდევ ერთი სამხედრო დანაშაულია, - ამის შესახებ ევროკავშირის უმაღლესი წარმომადგენელი საგარეო პოლიტიკისა და უსაფრთხოების საკითხებში, ჯოზეფ ბორელმა განაცხადა. 

როგორც ბორელმა ლუქსემბურგში ევროკავშირის წევრი ქვეყნების საგარეო საქმეთა მინისტრების შეხვედრის შემდეგ განაცხადა, დაუსჯელობის წინააღმდეგ ბრძოლა უნდა გაძლიერდეს,რაზეც ევროკავშირი უკვე მუშაობს. 

„ჩვენ ვაგრძელებთ მასობრივი სისასტიკის გამოვლენას და რუსული ძალების მიერ უკრაინიდან ბავშვების სისტემატიური გატაცების შესახებ ცნობებს. თუ ეს დადასტურდა, ეს იქნება მორიგი ომის დანაშაულის ტოლფასი და დაუსჯელობის წინააღმდეგ ბრძოლა უნდა გაძლიერდეს. ჩვენ უკვე განვიხილეთ, როგორ გავაკეთოთ ეს, ”- თქვა ბორელმა.

ცნობისთვის, 13 ოქტომბერს ცნობილი გახდა, რომ თვის დასაწყისიდან რუსმა დამპყრობლებმა ხერსონიდან 170-მდე ბავშვი უკანონოდ წაიყვანეს. გარდა ამისა, რუსეთის ფედერაცია აგრძელებს უკრაინის ტერიტორიიდან ბავშვების გატაცებას და რუსეთის მოქალაქეების მიერ მათი უკანონო შვილად აყვანის მოწყობას - მარიუპოლიდან 1000-ზე მეტი ბავშვი უკვე რუსულ ოჯახებშია გადაყვანილი.

ავტორი: ექსპრესნიუსი,

სოციალური ქსელები

მახაშვილი - სერბეთის არჩევნების საკუთარ წარმატებად მონათვლა აჩვენებს, თუ რა ღრმა ილუზიებში იმყოფება ქართული არაკონსტიტუციური ოპოზიცია

კახა კალაძე საკონსტიტუციო სასამართლოში მიმდინარე მოვლენებზე: ოპოზიცია სასამართლოს ტრიბუნას მხოლოდ პოლიტიკური განცხადებებისთვის იყენებს

კირცხალია - ჩვენი აზრით, უნდა გასამართლდეთ და აიკრძალოთ იმიტომ, რომ თქვენ შექმენით წამების, მკვლელობისა და რეკეტის ძალადობრივი სისტემა

ირანის ელჩი ქართულ კომპანიების ირანის გავლით ავღანეთის სავაჭრო ბაზარს სთავაზობს