|
2022-10-17 19:41:29, 1656 ნახვა
ომი უკრაინაში
ბორელი - შევთანხმდით, რომ 15 ათასი უკრაინელი სამხედრო ევროკავშირის ტერიტორიაზე მომზადებას გაივლის
შევთანხმდით, რომ 15 ათასი უკრაინელი სამხედრო ევროკავშირის ტერიტორიაზე მომზადებას გაივლის. - საგარეო პოლიტიკისა და უსაფრთხოების საკითხებში ევროკავშირის უმაღლესმა წარმომადგენელმა, ჯოზეფ ბორელმა განაცხადა. მისივე თქმით, მისია უზრუნველყოფს უკრაინელი ჯარისკაცების ინდივიდუალურ, კოლექტიურ და სპეციალიზებულ მომზადებას. მისიის შტაბ-ბინა კი ბრიუსელში განთავსდება. „ჩვენ გვქონდა შესაძლებლობა, აზრები გაგვეცვალა უკრაინის საგარეო საქმეთა მინისტრ კულებასთან, რომელმაც ჩვენს კონფერენციას თავშესაფრიდან მიმართა. ვფიქრობ, ეს არის პირველი შემთხვევა, როდესაც მინისტრი გვესაუბრებოდა თავშესაფრიდან მაშინ, როდესაც რუსეთი განაგრძობდა დარტყმებს კიევზე. მინდა, მკაფიოდ ვთქვა, უკრაინის მხარდაჭერა რჩება ჩვენს მთავარ პრიორიტეტად. პუტინი მარცხდება პოლიტიკურად, მორალურად, ამის მიუხედავად ის განაგრძობს ესკალაციას, მათ შორის მთელი უკრაინის ფარგლებში სამოქალაქო სამიზნეებზე იერიშით. ჩვენ შევთანხმდით ევროკავშირის სამხედრო დახმარების მისიის შექმნაზე, უკრაინის შეიარაღებული ძალების მხარდაჭერით. მომზადება ჩატარდება ევროპულ მიწაზე. მისიის ფარგლებში მომზადებას გაივლის 15 ათასამდე სამხედრო. ასევე, შევთანხმდით დამატებით 500 მილიონი ევროს გამოყოფაზე უკრაინის თავდაცვითი ძალებისთვის იარაღის მიწოდების გასაგრძელებლად“. - ნათქვამია განცხადებაში. შეგახსენებთ, რომ ევროკავშირის საბჭომ მიიღო გადაწყვეტილება უკრაინაში ევროკავშირის სამხედრო დახმარების მისიის შექმნის შესახებ, რომელსაც EUMAM Ukraine ერქმევა.
|
რედაქტორის რჩევით
პუტინმა ევროკავშირში მთავარი მოკავშირე დაკარგა: ორბანმა უნგრეთის არჩევნები წააგო
სახელისუფლებო აქტორებმა პატრიარქის სახელი ოპონენტების დისკრედიტაციისთვის გამოიყენეს
ომი უკრაინაში
რუსებმა დნეპრის ცენტრში მაღალსართულიან შენობა დაბომბეს, რის შედეგადაც ორი ადამიანი დაიღუპა და 10 დაშავდა
უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი
ვიდეო/LIVE პატრიარქის ილია მეორის დაკრძალვა - პირდაპირი
ფასების კომისიის თავმჯდომარე ბერეკაშვილმა სამშენებლო ბიზნესიდან 4,5 მლნ ლარზე მეტი მიიღო
მთავარი თემა
|


ავტორი: ექსპრესნიუსი,



epn.ge (@expressnews.ge)