ვიცე-პრემიერი, ეკონომიკისა და მდგრადი  განვითარების მინისტრი კომპანია „კნაუფის" მშრალი თაბაშიროვანი ნარევების ახალი საწარმოს გახსნის ცერემონიას დაესწრო.

„კნაუფის" ინვესტიცია ძალიან მნიშვნელოვანია საქართველოსთვის, რადგან ეს არ არის მხოლოდ 30 მლნ ევროს ინვესტიცია, რაც ბოლო წლების განმავლობაში კომპანიის მიერ განხორციელდა,  „კნაუფს" შემოაქვს ხარისხის ახალი სტანდარტები სამშენებლო სექტორში. ასევე ძალიან მნიშვნელოვანია ის პროფესიული ცოდნა, რომელიც კომპანიამ ჩამოიტანა და მის მიერ დანერგილი ტექნოლოგიები", - განაცხადა ეკონომიკის მინისტრმა.

კომპანიამ საქართველოში საქმიანობა 1998 წლიდან დაიწყო, ხოლო საწარმო, რომელიც  „კნაუფის" სამშენებლო მასალებს აწარმოებს, 2009 წლიდან ფუნქციონირებს. კომპანია საქართველოში აწარმოებს თაბაშირმუყაოს ფილებს, მოთუთიებული ფოლადის პროფილებს, დასაგრუნტ მასალას და მზა ფითხებს, ახლა კი უკვე ფუნქციონირებს მშრალი თაბაშიროვანი ნარევების საწარმოც. ამ ეტაპზე საწარმოში ჯამურად 100 ადამიანია დასაქმებული.

როგორც ლევან დავითაშვილმა აღნიშნა, მნიშვნელოვანია, რომ კომპანიის მიერ სამშენებლო სექტორში ჩართული 1000-ზე მეტი ადამიანის გადამზადება მოხდა, რომლებიც თანამედროვე სამშენებლო ტექნოლოგიებს იყენებენ. კერძოდ, კომპანია „კნაუფი"-ს ბაზაზე, ევროპული სტანდარტის სასწავლო ცენტრი წარმატებით საქმიანობს 2018 წლიდან, ის ხელს უწყობს საქართველოში ტექნიკური განათლებისა და პროფესიული მომზადების სისტემის გაუმჯობესებას. ცენტრი ფუნქციონირებს გერმანიის სამთავრობო ორგანიზაცია DEG- ის (გერმანიის ინვესტიციებისა და განვითარების საზოგადოება) პატრონაჟით.

„ჩვენთვის ძალიან მნიშვნელოვანია, რომ „კნაუფის" ეს ინვესტიცია, მორიგი ახალი, მაღალტექნოლოგიური საწარმოს გახსნა განპირობებულია იმით, რომ ქვეყანაში მაღალი ეკონომიკური ზრდაა და ამის პარალელურად იზრდება სამშენებლო სექტორიც, ეს კი ახალ ინვესტიციებს განაპირობებს. დღეს საუბარი იყო იმაზე, რომ საწარმო ახლახანს გაიხსნა, მაგრამ მისი წარმადობა, რომელიც 30 000 ტონას შეადგენს, მომავალი წლისთვის შეიძლება საკმარისი აღარ იყოს, იმდენად სწრაფად იზრდება სამშენებლო სექტორი საქართველოში და დამატებითი ინვესტიციების განხორციელების საჭიროება დგება", - აღნიშნა ლევან დავითაშვილმა.

ავტორი: NS (სტატია დაფინანსებულია),

სოციალური ქსელები

ინაშვილი - ჩუბინიძის დაკავება აღიქმება, რომ ყველას დავიჭერთ, ვისაც კობახიძე არ მოსწონს

ნიკა გვარამია - პარტიები კი არა, პოლიტიკა უქმდება და ყველა ცვლილების არხი იხშობა - ხვალ, თსუ-ის პირველ კორპუსთან, ვიწყებთ პროტესტის

გურამ დადიანიძის საქმეზე დღეს შსს-სთან აქცია გაიმართა

თბილისში, სკოლაში ძალადობის ორგანიზების ბრალდებით ორი არასრულწლოვანი დააკავეს