აჭარაში სეზონური გრიპის საწინააღმდეგო ვაქცინაცია დაიწყო.

იმუნიზაციის სახელმწიფო პროგრამის ფარგლებში, რისკ ჯგუფებისათვის გათვალისწინებული სეზონური გრიპის საწინააღმდეგო ვაქცინაცია ხელმისაწვდომია. დღეს, აცრა წმინდა მოწამე ეკატერინეს სახელობის სათნოების სავანეს ბინადრებსა და მომსახურე პერსონალს ჩაუტარდა. ვაქცინაციასთან ერთად, სათნოების სახლის ბენეფიციარებს გაეწიათ ანგიოლოგის, ნევროლოგის, ქირურგის და ოფთალმოლოგის კონსულტაცია.

სამედიცინო აქცია სათნოების სახლში აჭარის ა.რ. ჯანმრთელობისა და სოციალური დაცვის სამინისტროს და აჭარის საზოგადოებრივი ჯანდაცვის ცენტრის მიერ დაიგეგმა. პროცესს მინისტრი ნინო ნიჟარაძე, პირველი მოადგილე, მარი ზანაქიძე და საზოგადოებრივი ჯანდაცვის ცენტრის ხელმძღვანელი, რუსუდან შავიშილი ესწრებოდნენ.  

,,სამინისტრომ ერთგვარ ტრადიციად დანერგა სავანეში მრავალპროფილური პროფილაქტიკური სამედიცინო აქციის ორგანიზება. საჭიროების მიხედვით იგეგმება სხვადასხვა ექიმის კონსულტაცია. პარალელურად, ჩავატარეთ გრიპის სეზონური ვაქცინაცია. განსაზღვრულია მაღალი რისკ ჯგუფები, ყველას მოვუწოდებ მიმართოს თავის ოჯახის ექიმს და  დროულად ჩაიტარონ იმუნიზაცია“ - აღნიშნა მინისტრმა, ნინო ნიჟარაძემ.

იმუნიზაციის სახელმწიფო პროგრამის ფარგლებში, საქართველომ 200 000 დოზა, სანოფი პასტერის წარმოების, ოთხ-კომპონენტიანი ვაქცინა  შეიძინა, რომელიც ერთ-ერთია ჯანმოს მიერ რეკომენდებულ  ვაქცინებს შორის.

აჭარაში ამ ეტაპზე მიღებუულია 10 000 დოზა ვაქცინა და  უკვე გადაწილებიულია ამცრელ დაწესებულებებზე.

ავტორი: NS (სტატია დაფინანსებულია),

სოციალური ქსელები

გაეცანი საქართველოს ბანკის განათლების პროგრამებს მოსწავლეებისთვის - აღმოაჩინე შენზე მორგებული შესაძლებლობები

ბოკერია - რეჟიმს უნდა, გააგრძელოს საქართველოს უსაფრთხოების, მომავალი თაობის ხარჯზე გამდიდრება და ძალაუფლების შენარჩუნება საქართველოს მტრების ინტერესების სასარგებლოდ

პარტია „გახარია საქართველოსთვის“მიმართავს საკონსტიტუციო სასამართლოს, მათი საკითხი ნაციონალებისგან ცალკე საქმედ გამოიყოს

ოპოზიცია დასავლეთის ქვეყნების ელჩებს შეხვდნენ