მაქვს ჩემი ხალხის გონიერების იმედი და ყველას აქვს ჭკუა და თავი იმისთვის, რომ შეაფასოს მოვლენები, პოლიტიკოსები და შესაბამისი დასკვნები თავად გამოიტანოს. - ამის შესახებ „ერთიანი ნაციონალური მოძრაობის“ ლიდერმა, ლევან ხაბეიშვილმა განაცხადა.

მისივე თქმით, ის და მისი თანამებრძოლები უანგაროდ ებრძვიან ოლიგარქიულ რეჟიმს უკვე 10 წელია.

"ცოტა უცნაურია, მართლა და დავიბენი  ჩვენზე  მეტს შრომობს ვინმე? ჩვენზე მეტს დადის ვინმე და მუშაობს? ჩვენზე მეტი მამხილებელი არის კიდევ ქვეყანაში? ჩვენზე მეტი იარა ვინმემ ევროპაში და პრეზიდენტ სააკაშვილის თემაზე ისაუბრა? ჩვენზე მეტჯერ ვინმე საუბრობს პრეზიდენტ სააკაშვილის საკითხზე? ჩვენზე მეტ მტერს იჩენს ვინმე ამ ქვეყანაში? სუსის უფროსი სასამართლოში მიჩივის, უჩა მამაცაშვილი სასამართლოში გვიჩივის, ვანო ჩხარტიშვილი ბრიტანეთის სასამართლოთი მემუქრება, ტვ იმედი კვირაში 3 სიუჟეტს მიძღვნის, პოსტვ სერიალებს იღებს ჩემს გასაშავებლად და ამ დროს .... 
 არ ვაპირებ  ზოგიერთებივით  პრეზიდენტ სააკაშვილის წერილების ფრიალს და ასეთი მეთოდებით მხარდაჭერის მოპოვებას. მაქვს ჩემი ხალხის გონიერების იმედი და ყველას აქვს ჭკუა და თავი იმისთვის, რომ შეაფასოს მოვლენები, პოლიტიკოსები და შესაბამისი დასკვნები თავად გამოიტანოს. ცხადია, უნაკლოდ არ მიმაჩნია ჩემი თავი ამ ბრძოლაში, თუმცა არც აუგი დაგვიმსახურებია. გულწრფელად ვდარდობ იმ ადამიანებზე, ვინც ტალახს ისვრის არასწორი მიმართულებით და მიუხედავად ამისა, არ ვაპირებ იგივეთი გავცე პასუხი. 
 მე და ჩემი თანამებრძოლები უანგაროდ ვებრძვით ოლიგარქიულ რეჟიმს უკვე 10 წელია! უამრავი ქარიშხალი დატრიალდა ჩემს - ჩვენს თავს, მაგრამ ბრძოლა არ შეგვიწყვეტია!
ივანიშვილმა მძევლად აიყვანა პრეზიდენტი სააკაშვილი, აწამა, მისი უფლებები შელახა და ამას ერთმანეთზე გვაბრალებინებს - ეს როგორ უნდა მოახერხო? ასევე მძევლად არის აყვანილი ნიკა გვარამია და წარმოიდგინეთ,  მე რომ დავადანაშაულო ჟურნალისტები, რომ არ აქტიურობენ ან არ იბრძვიან  ნიკას თავისუფლებისთვის ... ეს ხომ სასაცილოზე მეტად ჩემი მხრიდან უკიდურესად უსამართლო იქნება? 
 მოკლედ, ჩემო ძვირფასებო, მიუხედავად ყველაფრისა არ დაგვავიწყდეს, რომ ჩვენი სამშობლოსთვის ბრძოლა გადამწყვეტ ფაზაშია და ამაზე ვკონცენტრირდეთ! ძალიან მტკიცედ ვარ მეც და ჩემი მეგობრებიც ამ ბრძოლაში! ერთად გავიმარჯვებთ ჩვენი ხალხის სახელით 
ძალა ერთობაშია". - ნათქვამია განცხადებაში.

შეგახსენებთ, რომ აღნიშნული განცხადება ლევან ხაბეიშვილმა ენმ-ში მიმდინარე პროცესზე განაცხადა.

ავტორი: ექსპრესნიუსი,

სოციალური ქსელები

„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს

რესპუბლიკელების დამარცხების შემდეგ ტრამპმა თავის ადმინისტრაციაში მეტი თანამდებობის პირების დათხოვნა დაუშვა

აშშ სანქციებს უწესებს რვა კანადურ გაცვლით კომპანიას ირანთან კავშირების გამო

კრემლმა აბუ-დაბიში უკრაინის საკითხზე სამმხრივი მოლაპარაკებებისთვის რუსეთის დელეგაციის შემადგენლობა გამოაცხადა