შუახევის მუნიციპალიტეტის თვითმმართველობის გადაწყვეტილებით, სოფელ ტომაშეთში მდებარე სკვერს, პროფესორ, ტარიელ ფუტკარაძის სახელი მიენიჭა.

ღონისძიებას, შუახევის მერი, ომარ ტაკიძე, აჭარის უმაღლესი საბჭოს მაჟორიტარი დეპუტატი, ფრიდონ ფუტკარაძე, ადგილობრივი ხელისუფლების წარმომადგენლები და სამოქალაქო საზოგადოება ესწრებოდა.

ჩვენი კუთხის შვილი,  პროფესორი ტარიელ ფუტკარაძე, უამრავი სამეცნიერო ნაშრომის, მონოგრაფიისა და პუბლიცისტური წერილების  ავტორი იყო. იგი ასევე,  გახლდათ საკუთარი ქვეყნის ეროვნული ღირებულებების ქართული ენის, კულტურის, ტრადიციების დიდი ქომაგი.

ტარიელ ფუტკარაძე  საქართველოს რესპუბლიკის პირველი მოწვევის უზენაესი საბჭოს წევრი იყო, რომელმაც 1991 წლის 9 აპრილს ხელი მოაწერა საქართველოს დამოუკიდებლობის აღდგენის აქტს და გახდა საქართველოს უახლეს ისტორიაში უმნიშვნელოვანესი მოვლენის თანამონაწილე.

პროფესორს, დიდი წვლილი მიუძღოდა მუნიციპალიტეტში საგანმანათლებლო სფეროს ხელშეწყობაზე, მონაწილეობდა სხვადასხვა პროექტებში, სახალხო დღესასწაულებსა და ფესტივალებში. 

მისი ინიციატივით დაარსდა დღესასწაული ,,კუნტიჯვრობა“. პროფესორის გარდაცვალების შემდეგ მშობლიურ შუბნის სკოლას მიენიჭა ტარიელ ფუტკარაძის სახელი. მერიამ, წარჩინებულ სტუდენტებზე დააწესა ,,ტარიელ ფუტკარაძის სახელობის სტიპენდია". მინიჭებული აქვს ,,საპატიო შუახეველის“ და ,,მარეთელის“ წოდება.

ტარიელ ფუტკარაძე, 60 წლის ასაკში გარდაიცვალა, დაკრძალულია თბილისში, მახათას მწერალთა, მეცნიერთა და საზოგადო მოღვაწეთა პანთეონში.

ავტორი: NS (სტატია დაფინანსებულია),

სოციალური ქსელები

გაეცანი საქართველოს ბანკის განათლების პროგრამებს მოსწავლეებისთვის - აღმოაჩინე შენზე მორგებული შესაძლებლობები

ბოკერია - რეჟიმს უნდა, გააგრძელოს საქართველოს უსაფრთხოების, მომავალი თაობის ხარჯზე გამდიდრება და ძალაუფლების შენარჩუნება საქართველოს მტრების ინტერესების სასარგებლოდ

პარტია „გახარია საქართველოსთვის“მიმართავს საკონსტიტუციო სასამართლოს, მათი საკითხი ნაციონალებისგან ცალკე საქმედ გამოიყოს

ოპოზიცია დასავლეთის ქვეყნების ელჩებს შეხვდნენ