კოლექტიური უსაფრთხოების ხელშეკრულების ორგანიზაციას სათანადო რეაგირება ამ დრომდე არ ჰქონია. - ამის შესახებ ქვეყნის უშიშროების საბჭოს მდივანმა, არმენ გრიგორიანმა განაცხადა.

მისივე თქმით, სომხეთს ОДКБ-ს იმედი აღარ აქვს.

"ის ფაქტი, რომ კოლექტიური უსაფრთხოების ხელშეკრულების ორგანიზაციას სათანადო რეაგირება ამ დრომდე არ ჰქონია და რომ აზერბაიჯანის ჯარები სომხეთის სუვერენული ტერიტორიიდან სრულად გაიყვანეს, ნიშნავს, რომ ჩვენი მოლოდინები არ გამართლდა... 
როდესაც ჩვენ მივმართეთ ОДКБ-ს, სომხეთის სუვერენიტეტის დასაცავად სამხედრო და სამხედრო-პოლიტიკური დახმარების იმედი გვქონდა. ეს იყო ჩვენი მოთხოვნა მათ მიმართ, მაგრამ ეს ამ დრომდე არ შესრულებულა. ბუნებრივია, ეს ნაწილი ვერ დაგვაკმაყოფილებს". - ნათქვამია განცხადებაში.

შეგახსენებთ, რომ სამშაბათს ღამით, სომხეთისა და აზერბაიჯანის საზღვარზე საომარი მოქმედებები დაიწყო. მხარეებმა ერთმანეთი პროვოკაციებში დაადანაშაულეს. ერევანმა დილით მიმართა რუსეთს, CSTO-ს და გაეროს უშიშროების საბჭოს.

სომხეთის ცნობით, აზერბაიჯანელმა სამხედროებმა ქვეყნის ტერიტორიაზე საარტილერიო ცეცხლი გახსნეს.

ერევნის ცნობით, ბაქომ გამოიყენა დრონები და ასევე მიიღო "მოქმედებები პოზიციების წინსვლისთვის" ზოგიერთ რაიონში.

დაზარალდა საზღვარზე მდებარე ტერიტორიები - გეღარქუნიკის, ვაიოც ძორის, სიუნიქის რეგიონები (აკავშირებს სომხეთს ირანთან), რომლებიც არ არის დაკავშირებული მთიან ყარაბაღთან.

მომხდარი დაპირისპირების შედეგად, სომხური მხრიდან 135, ხოლო აზერბაიჯანის მხრიდან 71 სამხედრო დაიღუპა.

ცეცხლის შეწყვეტის შეთანხმების დარღვევაში ორივე მხარე ერთმანეთს ადანაშაულებს.

ავტორი: ექსპრესნიუსი,

სოციალური ქსელები

„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს

რესპუბლიკელების დამარცხების შემდეგ ტრამპმა თავის ადმინისტრაციაში მეტი თანამდებობის პირების დათხოვნა დაუშვა

აშშ სანქციებს უწესებს რვა კანადურ გაცვლით კომპანიას ირანთან კავშირების გამო

კრემლმა აბუ-დაბიში უკრაინის საკითხზე სამმხრივი მოლაპარაკებებისთვის რუსეთის დელეგაციის შემადგენლობა გამოაცხადა