უკრაინის სასაზღვრო სამსახური - ხარკოვში ოკუპანტებს 5 მოზარდი სარდაფში ერთი კვირის განმავლობაში ჰყავდათ ჩაკეტილი

2022-09-15 15:13:41, 2663 ნახვა

ომი უკრაინაში

ხარკოვის ოლქში რუს ოკუპანტებს 5 ბავშვი სარდაფში ერთი კვირის განმავლობაში ჰყავდათ ჩაკეტილი,- აღნიშულის შესახებ ინფორმაციას უკრაინის სახელმწიფო სასაზღვრო სამსახური ავრცელებს.

სამსახურის ცნობით, მათ ოთახში 4 გოგო და ერთი ბიჭი იპოვეს, რომლებიც სარდაფში 7 დღის განმავლობაში იმყოფებოდნენ.

„კუპიანსკში დავალების შესრულებისას, მესაზღვრეებმა 15-დან 17 წლამდე ასაკის ხუთი მოზარდი იპოვეს, რომლებიც ოკუპანტებმა სარდაფში ერთ-ერთ ოთახში ჩაკეტეს. 4 გოგო და ერთი ბიჭი, 7 დღე იმყოფებოდნენ სარდაფში, სადაც ოკუპანტებმა ე.წ. ფილტრაციის ღონისძიებების ჩატარების შემდეგ გამოკეტეს“,- აღნიშნულია განცხადებაში.

როგორც მოზარდებმა სამსახურის ბთანამშრომლებს უთრეს, ოკუპანტებმა მათთან ერთად ჩაატარეს ფილტრაციის ღონისძიებები, რის შემდეგაც ისინი სარდაფში ახსნა-განმარტების გარეშე ჩაკეტეს.

„მოზარდების მადლიერებას საზღვარი არ ჰქონდა, ძნელი წარმოსადგენია, რა შეიძლება დაემართათ ბავშვებს, უკრაინის თავდაცვის ძალებს რომ არ მოეხდინათ ამ ტერიტორიის დეოკუპაცია. გათავისუფლებულ გოგოებთან და ბიჭთან ამჟამად კომპეტენტური ძალოვანი უწყების თანამშრომლები მუშაობენ“,- ვკითხულობთ განცხადებაში.

შეგახსენებთ, რომ 24 თებერვლიდან რუსეთი აწარმოებს „სპეციალურ სამხედრო ოპერაციას“ უკრაინის დემილიტარიზაციისა და დენაციფიკაციის მიზნით. ვლადიმერ პუტინმა მის მიზანს უწოდა "ადამიანების დაცვა, რომლებიც რვა წლის განმავლობაში ექვემდებარებოდნენ ბულინგსა და გენოციდს კიევის რეჟიმის მიერ".

რუსეთის მტკიცებით, შეიარაღებული ძალები მხოლოდ სამხედრო ინფრასტრუქტურას და უკრაინულ ჯარებს ურტყამენ. ამასთან თავდაცვის დეპარტამენტში ოპერაციის მთავარ მიზანს დონბასის გათავისუფლება უწოდებენ.

გარდა ამისა, უკრაინელებმა უკვე გაათავისუფლეს ხარკოვის რეგიონის 400 დასახლებული პუნქტი.