ქედის მუნიციპალიტეტის მერი როლანდ ბერიძე აჭარის ავტონომიური რესპუბლიკის უმაღლესი საბჭოს დელეგაციასთან ერთად პოლონეთში 31 -ე ეკონომიკურ ფორუმში ,,კარპაჩი 2022" ღებულობდა მონაწილეობას.

ვიზიტის ფარგლებში ქალაქ ბარდოსკომუნაში, ქედის მუნიციპალიტეტის მერმა როლანდ ბერიძემ  და  ქალაქ ბარდოს მერმა კრიშტოფ ჟეგანსკიმ   პარტნიორული თანამშრომლობის შესახებ შეთანხმებას მოაწერეს ხელი. დოკუმენტზე ხელმოწერის ღონისძიებას, აჭარის დელეგაცია, უმაღლესი საბჭოს თავმჯდომარე - დავით გაბაიძე ესწრებოდა.

ხელმოწერამდე შეთანხმება, ბარდოსკომუნის საბჭოს სხდომაზე კანონმდებლებმა ერთხმად დაამტკიცეს. პოლონეთისა და საქართველოს ადგილობრივ თვითმმართველობებს შორის მეგობრობისა და თანამშრომლობის გაძლიერების მიზნით გამოცდილების გაზიარებას, თვითმმართველობის განვითარების ხელშეწყობას, ევროკავშირის ფონდებიდან, კომუნალური და საერთაშორისო პროგრამებიდან რესურსების გამოყენებას, ტურიზმის, საგანმანათლებლო, კულტურულ და სხვასფეროებში აქტიურ თანამშრომლობას ითვალისწინებს.

აჭარის დელეგაცია ქვემო სილეზიის სავოევოდოს მარშალს - ცეზარ ფშიბილსკის, ვიცე-მარშალს - მარჩინ კჟიჟანოვსკის დავროცლავის მერს - იაცეკ სუტრეკს და სხვა ოფიციალურ პირებს შეხვდნენ. კარპაჩის  ეკონომიკური ფორუმის ფარგლებში დაესწრნენ რეგიონულ საინვესტიციო გამოფენასა და ეკონომიკურ საკითხებზე გამართულ პლენარულ სხდომებს, ასევე სკლარსკა პორებაში ქვემო სილეზიის სპორტული ცენტრის გახსნის ოფიციალურ ღონისძიებას.

შეხვედრებზე ყურადღება გამახვილდა ორიმეგობარი და პარტნიორი ქვეყნის რეგიონებს შორის მეგობრულ, ეკონომიკურ, საქმიან ურთიერთობებსა და სამომავლოდ დაგეგმილ ერთობლივ პროექტებზე.

ქედის მერი როლანდ ბერიძე  ქედის მუნიციპალიტეტის კულტურული, ტრადიციული, ტურისტული პოტენციალისა და ინფრასტრუქტურული პროექტების შესახებ მოკლე პრეზენტაციით წარსდგა.

ავტორი: NS (სტატია დაფინანსებულია),

სოციალური ქსელები

გაეცანი საქართველოს ბანკის განათლების პროგრამებს მოსწავლეებისთვის - აღმოაჩინე შენზე მორგებული შესაძლებლობები

ბოკერია - რეჟიმს უნდა, გააგრძელოს საქართველოს უსაფრთხოების, მომავალი თაობის ხარჯზე გამდიდრება და ძალაუფლების შენარჩუნება საქართველოს მტრების ინტერესების სასარგებლოდ

პარტია „გახარია საქართველოსთვის“მიმართავს საკონსტიტუციო სასამართლოს, მათი საკითხი ნაციონალებისგან ცალკე საქმედ გამოიყოს

ოპოზიცია დასავლეთის ქვეყნების ელჩებს შეხვდნენ