ესპანეთმა უკრაინაში საჰაერო თავდაცვის სისტემა, საბრძოლო მასალა და ჯავშანტექნიკა გაგზავნა. ამის შესახებ ინფორმაციას ესპანეთის თავდაცვის სამინისტრო ავრცელებს.

სამხედრო დახმარების ტვირთი მოიცავს დაახლოებით 20 ჯავშანმანქანას, 75 პალეტს საბრძოლო მასალის საველე არტილერიისთვის და სრულ საზენიტო ბატარეას, ასევე 1000 ტონა დიზელს, რომლის ღირებულება 2,5 მილიონი ევროა. უკრაინის ხელისუფლების განკარგულებაში უკვე არის როგორც ჯავშანტექნიკა, ასევე საბრძოლო მასალა.

გარდა იარაღისა, "გადაუდებელი მოთხოვნით" მომზადდა 30 000 ერთეული სამხედრო ფორმა ზამთრისთვის, 15 600 პიჯაკი, 15 000 კოსტიუმი და რამდენიმე ათასი ერთეული დამატებითი ტანსაცმელი. მიწოდება სექტემბერშია დაგეგმილი.

უკრაინის ელჩმა ესპანეთში სერხიი პოგორელცევმა კი აღნიშნა, რომ კიევი ყველაზე მეტად დაინტერესებულია 155 მმ-იანი ჰაუბიცებისა და 122 მმ-იანი ნაღმტყორცნების მიწოდებით, რის შესახებაც მან ესპანეთის მთავრობას უკვე აცნობა. „პროცესი იოლი არ არის, მაგრამ ჩვენ ვმუშაობთ და ძალიან მადლობელი ვართ“, - განაცხადა მან.

შეგახსენებთ, რომ მანამდე გავრცელდა ინფორმაცია, რომ აშშ-მა უკრაინას სამხედრო დახმარების ახალი პაკეტი გამოუცხადა, რომელშიც NASAMS-ის გარდა, HIMARS MLRS-ის საბრძოლო მასალაც იქნება.

ავტორი: ექსპრესნიუსი,

სოციალური ქსელები

მელანია ტრამპმა რუსეთსა და უკრაინას შორის ცეცხლის შეწყვეტის ზონის გაფართოება გამოაცხადა

ეგზიტპოლი: ნეთანიაჰუს პარტია „ლიკუდი“ისრაელის არჩევნებში ლიდერობს, თუმცა მის ბლოკს აბსოლუტური უმრავლესობა არ გააჩნია

თურქეთმა პოლონეთში, Starlink-ის სადგურზე მომხდარი ცეცხლის წაკიდების საქმეზე 85 ადამიანი დააკავა

გერმანელების თითქმის 90% თვლის, რომ მთავრობა ვერ უმკლავდება ქვეყნის პრობლემებს