ყველამ ვიცით, რომ რუსული აგრესია არ დაწყებულა თებერვალში, საწყისი იყო ყირიმი, - საქართველოს პრეზიდენტი სალომე ზურაბიშვილი ყირიმის პლატფორმის მეორე სამიტზე სიტყვით გამოვიდა. 

მან მხარდაჭერა გამოუცხადა უკრაინას და მის ტერიტორიულ მთლიანობისა და სუვერენიტეტის და დასძინა, რომ ყირიმი უკრაინაა. 

"ჩემთვის დიდი პატივია, წარმოვადგენდე საქართველოს და ქართველ ხალხს. აუცილებელია ერთად დგომა იმ ღირებულებების დასაცავად, რომელიც გვაერთიანებს და რომელიც, მე მჯერა, რომ ჩამოაყალიბებს ჩვენს საერთო მომავალს. ამაყი ვარ, რომ ვუერთდები ყირიმის დეკლარაციას საქართველოს სახელით. კიდევ ერთხელ ვიმეორებთ ჩვენს მხარდაჭერას თქვენი [უკრაინის] ტერიტორიული მთლიანობის და სუვერენიტეტის, ასევე თქვენი დეოკუპაციის სტრატეგიის მიმართ. ყირიმი უკრაინაა. 

ხვალ უკრაინა დამოუკიდებლობის დღეს აღნიშნავს, ასევე, ხვალ გახდება 6 თვე მისი ვაჟკაცური წინააღმდეგობისა რუსული აგრესიის მიმართ. 

ეს არ არის მხოლოდ თარიღების დამთხვევა. ჩვენ ყველამ ვიცით, რომ რუსული აგრესია არ დაწყებულა თებერვალში, საწყისი იყო ყირიმი. მშვიდობისა და უსაფრთხოების მიმართ გამოწვევები და ქვეყნების ტერიტორიული მთლიანობის და სუვერენიტეტის მიმართ უპასუხო აგრესია იწვევს მეტ აგრესიას და არასტაბილურობას", - განაცხადა პრეზიდენტმა. 

გამოყენებულია ტელეკომპანია "ფორმულას" თარგმანი. 

ავტორი: ექსპრესნიუსი,

სოციალური ქსელები

„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს

რესპუბლიკელების დამარცხების შემდეგ ტრამპმა თავის ადმინისტრაციაში მეტი თანამდებობის პირების დათხოვნა დაუშვა

აშშ სანქციებს უწესებს რვა კანადურ გაცვლით კომპანიას ირანთან კავშირების გამო

კრემლმა აბუ-დაბიში უკრაინის საკითხზე სამმხრივი მოლაპარაკებებისთვის რუსეთის დელეგაციის შემადგენლობა გამოაცხადა