უკრაინის საზღვაო შეიარაღებული ძალების ცნობით, მარცვლეულის ექსპორტის მიზნით  შავ ზღვაში უკრაინის პორტების ოპერირება განახლდა.

გავრცელებული ინფორმაციის თანახმად,მუშაობა განახლდა ოდესის, ჩერნომორსკისა და „სამხრეთის“ პორტებში. შეთანხმების თანახმად, გემებს გამგზავრებისას და ჩამოსვლისას საზღვაო ნავსადგურებში წინამძღოლი ეყოლებათ.

„ჩვენს საქმიანობაში ყველაფერი მარტივია და ამავდროულად რთული. მაგრამ მთავარი იყო, არის და იქნება ნავიგაციის უსაფრთხოება. ეს არის ის, რასაც ჩვენ ამჟამად ვაკეთებთ, ასე რომ, როგორც ხედავთ, აგრესორის ქმედებების მიუხედავად, ჩვენი სამხედროები აგრძელებენ სამუშაოს შესრულებას ყველა მიმართულებით, კერძოდ, აღადგინეს გემების ფუნქციონირება, რათა თავიდან იქნას აცილებული მსოფლიო სასურსათო კრიზისი", - აღნიშნა უკრაინის შეიარაღებული ძალების საზღვაო ფლოტის ნავიგაციის, ჰიდროგრაფიისა და ჰიდრომეტეოროლოგიის ცენტრის ხელმძღვანელმა, პირველი რანგის კაპიტანმა რომან გონჩარენკომ.

 ოდესის ოლქის სახელმწიფო ჰიდროგრაფიის ფილიალის ხელმძღვანელი, იჰორ ტიმცუ, აცხადებს, რომ მიმდინარეობს მუშაობა გემების გადაადგილების უსაფრთხო მარშრუტების შემუშავებისთვის.

"დღეს ოდესის ერთ-ერთ პორტში ვატარებთ ერთობლივ სამუშაოებს ნაოსნობის სანავიგაციო და ჰიდროგრაფიულ უსაფრთხოებაზე. უპირველეს ყოვლისა, ეს არის სამუშაოები, რომლებიც განსაზღვრავს გემების გადაადგილების უსაფრთხო მარშრუტებს, რომლებიც გადაიტანენ უკრაინულ მარცვლეულს, - ამბობს იჰორ ტიმჩუ, სახელმწიფო დაწესებულების ოდესის ოლქის სახელმწიფო ჰიდროგრაფიის ფილიალის ხელმძღვანელი.

შეგახსენებთ, რომ  უკრაინიდან მარცვლეულის უსაფრთხო ექსპორტის გარანტირებისთვის შეთანხმების ხელმოწერიდან რამდენიმე საათში , რუსეთმა  საკვანძო საპორტო ქალაქზე სარაკეტო იერიში განახორციელა. გეგმის თანახმად  უკრაინული მხარე გააკონტროლებს მარცვლეულის ტვირთების მოძრაობას დანაღმული პორტების წყლებში; რუსეთი ეთანხმება ზავს ტვირთების გადაზიდვისას; თურქეთი - გაეროს მხარდაჭერით - შეამოწმებს გემებს, რათა გაქარწყლოს რუსული მხარის  შიში იარაღის კონტრაბანდის შესახებ.

ავტორი: ექსპრესნიუსი,

სოციალური ქსელები

მელანია ტრამპმა რუსეთსა და უკრაინას შორის ცეცხლის შეწყვეტის ზონის გაფართოება გამოაცხადა

ეგზიტპოლი: ნეთანიაჰუს პარტია „ლიკუდი“ისრაელის არჩევნებში ლიდერობს, თუმცა მის ბლოკს აბსოლუტური უმრავლესობა არ გააჩნია

თურქეთმა პოლონეთში, Starlink-ის სადგურზე მომხდარი ცეცხლის წაკიდების საქმეზე 85 ადამიანი დააკავა

გერმანელების თითქმის 90% თვლის, რომ მთავრობა ვერ უმკლავდება ქვეყნის პრობლემებს