2015-02-05 14:04:27, 1523 ნახვა
სამართალი
ვაზაგაშვილისა და ხუბულოვის საქმეზე დაკავებულები მე-9 დაწესებულებაში არიან გადაყვანილი
სასჯელაღსრულებისა და პრობაციის მინისტრის გიორგი მღებრიშვილის ინფორმაციით, ზურა ვაზაგაშვილისა და ალექსანდრე ხუბულოვის საქმეზე დაკავებული 11 პირი, მე-9 დაწესებულებაშია გადაყვანილი.
ამის შესახებ მღებრიშვილმა ჟურნალისტებს მთავრობის დღევანდელი სხდომის დასრულების შემდეგ განუცხადა.
"სასამართლომ მათ აღკვეთის ღონისძიების სახით პატიმრობა შეუფარდა. პროცედურების მიხედვით, ისინი გადაყვანილი იქნენ გონივრული დაკავებისა და განთავსების განყოფილებაში.იქ მოხდა მათი იდენტიფიცირება, ფოტოგრაფირება, ხოლო ამის შემდეგ გადაიყვანეს მე-9 დაწესებულებაში",-განაცხადა გიორგი მღებრიშვილმა.
ცნობისთვის, ე.წ. კორტებთან ჩატარებული სპეცოპერაციის საქმეზე დაკავებლ 11 პირს საქალაქო სასამართლომ აღკვეთის ღონისძიების სახით, გუშინ პატიმრობა შეუფარდა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
