2022-07-23 16:01:13, 1411 ნახვა
ომი უკრაინაში
ორბანი - სანქციები არ მუშაობს, საჭიროა ახალი სტრატეგია რუსეთ-უკრაინის ომში
საჭიროა ახალი სტრატეგია რუსეთ-უკრაინის ომში. - ამის შესახებ უნგრეთის პრემიერმინისტრმა ვიქტორ ორბანმა განაცხადა.
მისივე თქმით, ევროკავშირის სანქციები არ მუშაობს.
"საჭიროა ახალი სტრატეგია, რომელიც ომის მოგების ნაცვლად, სამშვიდობო მოლაპარაკებებსა და სამშვიდობო წინადადების შემუშავებაზე იქნება ფოკუსირებული". - ნათქვამია განცხადებაში.
შეგახსენებთ, რომ ხანგრძლივი სამხედრო ძალის თავმოყრის შემდეგ, რუსეთის მიერ თვითგამოცხადებული დონეცკის სახალხო რესპუბლიკისა და სახალხო რესპუბლიკის აღიარების შემდეგ, რუსეთმა დაარღვია საერთაშორისოდ აღიარებული უკრაინის სუვერენიტეტი და ომი გამოაცხადა. ომს დაწყებიდან დღევანდელ დღემდე არაერთი მოქალაქის სიცოცხლე შეეწირა.
ავტორი: ექსპრესნიუსი,
epn.ge (@expressnews.ge)
