საქორწინო რიტუალების საფასური იზრდება - ნახეთ განახლებული ფასები

2022-07-20 14:09:47, 815 ნახვა

საზოგადოება

საქართველოს მთავრობის მეთაურის, ირაკლი ღარიბაშვილის დადგენილებით, საქორწინო რიტუალების საფასური იზრდება.

იუსტიციის სახლის მიერ საკუთარ სერვისებთან დაკავშირებით გასაწევი მომსახურების საფასურები შემდეგნაირად განისაზღვრა:

ა) სპეციალური სარიტუალო მომსახურება (ქორწინების რიტუალის საზეიმო ვითარებაში ჩატარება) იუსტიციის სახლის ფილიალში ან საზოგადოებრივ ცენტრში − 75 ლარი;

ბ) სპეციალური სარიტუალო მომსახურება (ქორწინების რიტუალის საზეიმო ვითარებაში ჩატარება) ქორწინების სახლში:

ბ.ა) შაბათს და კვირას – 225 ლარი;

ბ.ბ) ნებისმიერ დღეს, გარდა შაბათისა და კვირისა – 135 ლარი;

გ) შენობის გარეთ (ადგილზე) მომსახურება (იუსტიციის სახლის ტერიტორიული ორგანოსა და ქორწინების სახლის შენობის გარეთ (ადგილზე) ქორწინების რიტუალის ჩატარება) – 255 ლარი.

დადგენილება 2022 წლის 1 აგვისტოდან ამოქმედდება.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,