უკრაინის ქალაქ ვინიცაზე განხორციელებული სარაკეტო იერიშის შედეგად დაღუპულთა რიცხვი 23-მდე გაიზარდა, ათობით დაკარგულად ითვლება.

გავრცელებული ინფორმაციის თანახმად, დაღუპულთა შორის 3 ბავშვია.

"სამაშველო ჯგუფები აგრძელებენ ნანგრევებში მუშაობას  რადგან ხელისუფლება აცხადებს, რომ 39 ადამიანი კვლავ დაკარგულად ითვლება. დაღუპულთა რიცხვი 23-მდე გაიზარდა, მათ შორის 3 ბავშვია.
შესაძლოა საჭირო გახდეს დნმ-ის ტესტები მსხვერპლთა იდენტიფიცირებისთვის, ამიტომ გამომძიებლები უგზო-უკვლოდ დაკარგულთა უახლოეს ნათესავებს (მშობლებსა და შვილებს) სთხოვენ დაუკავშირდნენ და ბიოლოგიური ნიმუშები წარადგინონ,"- განაცხადა ეროვნული პოლიციის უფროსმა იჰორ კლიმენკომ.

მისივე თქმით, მხოლოდ ექვსი დაღუპულის იდენტიფიცირება მოხერხდა.საავადმყოფოში გადაყვანილი 66 ადამიანიდან ხუთი კრიტიკულ მდგომარეობაშია , 34-მა კი მძიმე დაზიანებები მიიღო.

შეეგახსენებთ, რომ 14 ივლისს შავ ზღვაში მყოფმა რუსულმა წყალქვეშა ნავმა ქალაქს კალიბრის საკრუიზო რაკეტები ესროლა, - წერს უკრაინის პრეზიდენტის ოფისის უფროსის მოადგილე კირილო ტიმოშენკო ტელეგრამზე.

რუსულმა მხარემ  თავდასხმა მაშინვე არ დაადასტურა, მაგრამ მარგარიტა სიმონიანმა, სახელმწიფო კონტროლირებადი რუსული სატელევიზიო ქსელის RT-ის ხელმძღვანელმა, თქვა, რომ სამხედრო ჩინოვნიკების ცნობით, ვინიცაში შენობა იყო სამიზნე, რადგან მასში უკრაინელი „ნაცისტები“ ცხოვრობდნენ.

ავტორი: ექსპრესნიუსი,

სოციალური ქსელები

ეგზიტპოლი: ნეთანიაჰუს პარტია „ლიკუდი“ისრაელის არჩევნებში ლიდერობს, თუმცა მის ბლოკს აბსოლუტური უმრავლესობა არ გააჩნია

თურქეთმა პოლონეთში, Starlink-ის სადგურზე მომხდარი ცეცხლის წაკიდების საქმეზე 85 ადამიანი დააკავა

გერმანელების თითქმის 90% თვლის, რომ მთავრობა ვერ უმკლავდება ქვეყნის პრობლემებს

უკრაინის შეიარაღებულმა ძალებმა მოსკოვს პუტინის მონაწილეობით გამართული სამიტის დღეს შეუტიეს